Тээврийн цагдаагийн албанаас “Гэрлээр анхааруулъя” нөлөөллийн аяныг эхлүүлж байгаа талаар мэдээллээ. "Цагдаагийн байгууллагаас иргэдийн аюулгүй байдлыг хангах чиглэлээр нэгдсэн болон хэсэгчилсэн арга хэмжээг зохион байгуулан ажиллаж байна. Энэ нь үр дүнд хүрч байгаа. Тухайлбал, хүний амь нас хохирсон, хүнд гэмтсэн дуудлага мэдээлэл 32,4 хувиар, хүн гэмтсэн осол 20,3 хувиар буурсан үзүүлэлттэй байна. Жил ирэх тусам иргэдийн аюулгүй байдлыг хангах зорилгоор цагдаагийн байгууллагаас үе шаттай ажил арга хэмжээг зохион байгуулдаг. Үүний хүрээнд “Гэрлээр анхааруулъя” аяныг хэрэгжүүлж байна. 2021 онд зам тээврийн ослын улмаас 2495 хүн гэмтэж бэртсэн. Үүний 1095 нь явган зорчигч байгаа. Үүний  80 орчим хувь нь шөнө оройн цагаар осолд орж, амь насаа алдсан байдаг. Гарцаар гарч байгаа бага насны хүүхдүүд, залуучууд утасны гэрлээ асаагаад зам хөндлөн гарахыг уриалж байна.  Хөдөлгөөнд оролцож байгаа иргэдийн 70-90  орчим хувь нь хар бараан хувцастай явдаг. Иргэд тухайн тээврийн хэрэгсэлд өөрсдийгөө харагдаж байгаа гэж боддог. Гэтэл хар бараан хувцас нь 17 метрийн зайд харагддаг. Харин улаан өнгийн хувцас 25  метрийн зайд харагддаг. Үүнээс урьдчилан сэргийлэхийн тулд энэхүү нөлөөллийн аяныг хэрэгжүүлж байна. Гарцаар гарахдаа утасны гэрлээ асаахад 150-200 метрийн зайд харагддаг. Мөн нийт осол шөнө оройн цагаар гардаг. Иймээс иргэдийг утасны гэрлээ асаагаад гарцаар гарахыг уриалж байна. Энэхүү арга хэмжээг Монголын Оюутны холбоотой хамтран зохион байгуулж байгаа" гэж тээврийн цагдаагийн албанаас мэдээллээ.