Чөлөөт бөхийн оюутны 10 дахь дэлхийн аварга шалгаруулах тэмцээн /ДАШТ/ гурван төрлөөр өчигдрөөс 6-ныг хүртэл Финланд улсын Куртане "Kuortanehalli" /Куортанехалли/ спортын цогцолборт болж байгаа юм.

Эхний өдөр эрэгтэй 55, 60, 66, 74 кг жингийн барилдаанууд болж манай улсын гурван бөх зодоглосноос 55 кг-д спортын мастер С.Батболд /ҮБТДС / хүрэл медаль хүртлээ.

Тус оюутны ДАШТ-нд Австри, АНУ, Болгар, Беларусь, БНХАУ, Бразил, Гүрж, Израиль, Иран, Испани, Канад, Монгол,  Норвег, ОХУ, Польш, Румын,  Тажик, Турк, Украин, Унгар, Финланд, Франц, Герман, Эстони, Япон зэрэг 25 орны бөхчүүд оролцож байна.

Өнөөдөр эрэгтэй 84, 96, 120 кг, эмэгтэй 48, 51 кг жингийн бөхчүүдийн барилдаан явагдаж аваргаа тодруулна. Монголын дөрвөн бөх дэвжээнд гарч барилдана.