Замын-Үүд боомтын тээвэрлэлт, нөхцөл байдлын талаар мэдээлэл хийж байна. Энэ үеэр Шадар сайдын зөвлөх Ц.Мөнхбаатар мэдээлэл хийлээ. Тэрбээр “Ерөнхий сайдын 196 захирамжаар боомтын үйл ажиллагааг Шадар сайд хариуцан ажиллаж байгаа. Үүний үр дүнд үүрэг чиглэл болгосны дагуу долоо хоногийн хоёр өдөр иргэдэд мэдээлэл өгөхөөр болсон . Шадар сайдын зүгээс өргөн царигаар ачаа бараагаа татан авах хүсэлт гаргасан байгаа. Мөн нарийн царигаар ачаа бараагаа татах тухай хэлэлцэж байгаа. Цар тахлын нөхцөл байдлаас болоод урд хил хаагдсан. Харин одоо нээгдээд ачаа бараагаа хэвийн татаад явж байна. Хил дундын тэг цэгээс тээвэр логистикийн төв хүртэл гурван километрийн хооронд тээвэрлэлт хийж байгаа. Энэ хооронд үнэгүй байгаа. Мөн чингэлгийн тоог нэмэх саналыг өдөр бүр гаргаж байгаа. Цаашдаа чингэлгийн тоог нэмээд явах бүрэн боломжтой. Тээвэрлэлтээ зогоохгүйн тулд халдвар хамгааллын дэглэмээ маш сайн барьж байгаа. Баруун хилүүдээр дамжуулаад  Евро Азийн улс орнууд руу тээвэрлэлт хийх боломж бий. Энэ ажлыг Зам тээврийн яам, авто тээврийн үндэсний төвд Шадар сайд үүрэг болгосон. Урд нийт 900 орчим чингэлэгт ачаа ачсан байсан. Энэ чингэлгүүдээсээ татан авч байгаа. Үлдсэн чингэлгийг 5-10 хоногт татан авна” гэлээ.