Эрүүл мэндийн яамнаас мэдээлэл хийлээ. Энэ үеэр Эрүүлийг хамгаалахын гавьяат ажилтан А.Амбасэлмаа халдвараас сэргийлэх талаарх зөвлөмжийг өглөө. Тэрбээр “Манай улсад өдрөөс өдөрт бүртгэгдэх тохиолдлын тоо 2-3 дахин нэмэгдэж байна. Шинжилгээнд эерэг эзлэх хувь нэмэгдэхийн хэрээр эрүүл мэндийн байгууллагын ачаалал, ард иргэдийн эмнэлгийн тусламж авах эрэлт хэрэгцээ нэмэгддэг. Мөн албан газар бүр халдвараас сэргийлэх, аль нэг хэсэг, нэгжид нь халдвар гарахад ямар арга хэмжээ авах талаар төлөвлөлттэй байх хэрэгтэй байна. Халдвараас сэргийлэх дараагийн чухал алхам бол дархлаагаа дэмжиж юм. Дархлаа дэмжихийн тулд халуун бүлээн хоол хийх, өдөр унтах, орой эрт унтах хэрэгтэй. Мөн бухимдахгүй, тайван байхад анхаарах хэрэгтэй.

Томуугийн өвчлөлийн үед халдвар авсан хүмүүсийг нэг бүрчлэн тоолох боломжгүй байдаг. Үүнтэй адил омикроноор өвдсөн хүмүүсийг нэг бүрчлэн тоолох боломжгүй. Тийм учраас PCR шинжилгээгээр эерэг гарсан тохиолдлыг мэдээлж, шинжилгээнд эерэг эзлэх хувьд үндэслэн дэгдэлтийг тандаж, хянаж байгаа. Удахгүй манай уламжлалт Цагаан сарын баяр болно. Энэ баяраа гэр гэртээ, ахмад настан, хамаатнуудтайгаа цахимаар золгон цаг үеийн нөхцөл байдалтайгаа зохицуулан баярлахыг уриалж байна" гэлээ.