МҮОНРТ-ээр нэг хэсэг олны хүртээл болж, шуугиулж байсан “Тусгай салаа” киноны гол баатар Сүлд буюу жүжигчин А.Алтанхуяг өнгөрөгч есдүгээр сарын сүүлээр Сэлэнгэ аймаг руу уран бүтээлийн ажлаар явж байгаад аваарт орсон тухай харамсалтай мэдээлэл гарах болсныг бид өмнө нь мэдээлсэн.
Тэгвэл жүжигчин Сүлдтэй UBS телевизийн зохион байгуулдаг "Universe best songs" наадамд амжилттай оролцсон, дуучин Амина хамт явж байсан гэнэ. Сүлд, Амина нараас гадна бас нэг дуучин явж байсан аж.
Тэдний биеийн байдал таагүй байгаа бөгөөд Баянзүрх дүүрэг дэх Цэргийн төв Госпитальд хэвтэн эмчлүүлж байна.
Харин унаж явсан машины тухайд саарал өнгийн prius-20-той давхиж байжээ. Энэхүү pruis-20 нь Сүлдийнх юм байна. Тэрбээр ихэд хурдтай явж байсан болохоор машин нь хоёр, гурав өнхөрсөн байна.  Хоёр дуучин машиндаа үлдэж, өнхрөх явцад Сүлд цонхоороо гарч, 50 метрийн зайд шидэгдсэн байна. Ийм аймшигт аваарт орсон ч Сүлд амьд гарсан нь том аз завшаан. Ямартай ч  Сүлд, Амина нартаа хурдан эдгэж, эрүүл болохыг 24tsag.mn сайтын зүгээс хүсье.