Хууль зүйн байнгын хороо үйл ажиллагааны тайланг танилцуулж байна. Энэ үеэр УИХ-ын гишүүн С.Бямбацогт тайланг танилцууллаа. Тэрбээр “УИХ-ын Хууль зүйн байнгын хороо өнгөрсөн намрын чуулганы хугацаанд дангаараа 13 удаа, Инновац цахим бодлогын байнгын хороотой хамтарч гурван удаа хуралдсан . Ингээд нийт 16 удаа хуралдаж, 40 гаруй асуудлыг хэлэлцэн шийдвэрлэсэн байна. Байнгын хорооны хуралдаанаар нийтдээ 91 хуулийн төсөл, УИХ-ын долоон тогтоол, байнгын хорооны арван тогтоолын төслийг хэлэлцэн бэлтгэх, хуулийн хэрэгжилтэд хяналт тавих нэг ажлын хэсэг байгуулсан.

Ажлын хэсгүүд 39 удаа хуралдаж, 12 танилцуулгыг бэлтгэн танилцуулсан юм. Байнгын хорооны хэлэлцэх асуудлын хүрээнд хамаарах асуудлыг хэлэлцэж, нийт 80 хуулийн төсөл, УИХ-ын зургаан тогтолыг УИХ-ын чуулганаар батлуулсан байна” гэв.

Д.Батчулуун