Хууль зүйн байнгын хороо үйл ажиллагааны тайланг танилцуулж байна.  Энэ үеэр УИХ-ын гишүүн Б.Энхбаяр үг хэллээ. Тэрбээр “ Нийтийн болон хувийн мэдээллийн тухай хууль хэлэлцэгдэх явцад төрийн болон албаны нууцын тухай хуулийг шинэчлэхгүйгээр энэ хууль цааш явахгүй гэсэн зарчмын асуудлыг олон гишүүд хөндөж байсан. Энэ чиглэлээр засгийн газар санаачилж хуулийн төслийг өргөн барих үүрэг хүлээж байгаа. Хаврын чуулганаар оруулж ирэх байх гэж найдаж байна. Төрийн болон албаны нууцын тухай хуулиар засгийн газар, төрийн өмчит үйлдвэрийн газрын удирдлагууд бүхий л мэдээллээ албаны нууц хэмээн тамга дарж, олон нийтээс нуух байдал хавтгайрсан. Тухайн байгууллагын даргын өөрийн үзэмжээр тамга дарсны төлөө түүнийг ил болгосон этгээд хоёроос найман жилийн хорих ял авахаар байгаа. Ийм хуулийн системчлэл байж таарахгүй. Тиймээс үүнийг шийдвэрлэх шаардлагатай байгаа” гэлээ.

Д.Батчулуун