Эрүүл мэндийн дэд сайд Ж.Амарсанаа Дэлхийн Банкны Монгол Улс дахь Суурин төлөөлөгч Хатагтай Корали Гивэрсийг өнгөрсөн есдүгээр сарын 25-ны өдөр хүлээн авч уулзлаа. Уулзалтын эхэнд Дэд сайд Хатагтай Суурин төлөөлөгчид хүсэлт гаргасны дагуу хүрэлцэн ирж уулзаж байгаад талархлаа илэрхийлэв.

Эрүүл мэндийн дэд сайд Ж.Амарсанаа Дэлхийн Банкны Монгол Улс дахь Суурин төлөөлөгч Хатагтай Корали Гивэрсийг өнгөрсөн есдүгээр сарын 25-ны өдөр хүлээн авч уулзлаа. Уулзалтын эхэнд Дэд сайд Хатагтай Суурин төлөөлөгчид хүсэлт гаргасны дагуу хүрэлцэн ирж уулзаж байгаад талархлаа илэрхийлэв.
Дэлхийн банктай Монгол Улс олон жилийн өмнөөс хамтын ажиллагаатай байгаа ч эрүүл мэндийн салбарт 2 жилийн өмнөөс хамтын ажиллагаа эхэлснийг Дэд сайд цохон тэмдэглээд Дэлхийн банкны 15 сая ам.долларын хөнгөлөлттэй зээлээр 2013-2017 онд хэрэгжих Цахим эрүүл мэнд төслийн талаар товч санал солилцох хүсэлтэй байгаагаа хэлэв.
Хатагтай Суурин төлөөлөгч Цахим эрүүл мэнд төсөл бэлтгэл шатандаа явж байгаа талаар дурдаад, тус төсөл хэрэгжсэнээр Монгол улсад эрүүл мэндийн тусламж үйлчилгээг мэдээллийн технологийн дэвшилт, ололтыг ашиглан орон зай, цаг хугацаанаас үл хамааран хүртээмжтэй, чанартай, шуурхай хүргэх дэд бүтэц бүрдэх ач холбогдолтойг тэмдэглэн хэлэв. Түүнчлэн, тус төслийг эхнээс нь гардан ажиллаж байгаа Дэлхийн банкны баг 10 дугаар сарын 1-нээс Монгол улсад 10 хоногийн хугацаатай ажиллах талаар дэд сайдад мэдээлэв.
Дэд сайд хариуд нь “Цахим эрүүл мэнд” төсөл бол Монгол Улсын Засгийн газрын Цахим Монгол хөтөлбөр /2005-2012/, Эрүүл мэндийн сайдын тушаалаар 2009 онд батлагдсан Цахим эрүүл мэнд стратеги /2010-2014/ -ийг биеллээ олоход чухал ач холбогдолтой, түүнээс гадна эрүүл мэндийн даатгалын тогтолцоог боловсронгуй болгоход суурь болохуйц нэн чухал ач холбогдолтой, тэр ч утгаараа Засгийн газраас тус төслийг амжилттай хэрэгжүүлэхэд анхааран ажиллаж байгаа гэдгийг онцлон хэлэв. Түүнчлэн, тус төслийг эхнээс нь дэмжиж, Монгол улсын эрүүл мэндийн салбарт хамтын ажиллагаагаа эхлүүлсэн Дэлхийн банк, хатагтай Суурин төлөөлөгчид Дэд сайд талархлаа илэрхийлээд цаашид хамтын ажиллагаагаа өргөжүүлэн, хөгжүүлэхэд анхаарч ажиллахаа илэрхийлэв.