Б.Пүрэвдорж: Тэтгэвэр бага тогтоож байгаа шалтгааныг УИХ арилгах ёстой

2022-1-31

УИХ-ын ээлжит бус чуулган үргэлжилж байна. Энэ үеэр УИХ-ын гишүүн Б.Пүрэвдорж үг хэллээ.

Тэрбээр "УИХ өнөөдөр "ТОМ" шийдвэр гаргаж тэтгэврийн доод хэмжээг 500 мянга болгох гэж байна. Гол нь тэтгэвэр бага тогтоож буй шалтгааныг УИХ арилгах ёстой. Долоон жилийн цалингийн дунджаар тэтгэвэр бодох юм бол тэтгэвэр гарт буй иргэдийн 80 хувь нь 500 мянгад хүрэхгүй. Тиймээс таван жил болгож байж нэлээд хэсэг ахмадууд 500 мянгаас дээш тэтгэвэр авах боломж бүрдэх юм. Ахмадууд 500 мянга болчихлоо гээд хойшоо сууж болохгүй. Тэтгэврийн доод хэмжээг индексжүүлэх хууль бий. Энэ хуулийг хэлэлцэх юм бол жил бүр тодорхой хөрөнгө оруулалт шаардана. Тэгэхээр энэ хуулийг хэрэгжүүлбэл 50 тэрбум төгрөг зарцуулаад хэл амгүй тэтгэврээ нэмээд явна. Энэ хуулийг хэрэгжүүлбэл тэтгэврийн доод хэмжээ бүрдэнэ, тэтгэврийн зөрүү арилна. Энэ хуулийг сайн шахаж шаардаж өгөөрэй" гэв.

А.Сүх

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (2)

Зочин (112.72.15.78)

Энэ мэт төрийн бодлогогүй зөвхөн сонгогчдын сонирхлоор улс төр хөөгчид нийгмийг даампууралд хүргэж байна. Тэтгэвэр тогтоолтыг харин ч 7 биш бүх ажилласан хугацаанд төлсөн шимтгэлийн нийт дүн / 30-40 жилд төлсөн дүн/, шимтгэл төлж ажилласан жил 2-ыг харгалзаж тэтгэвэр тогтоох жишигт шилжих нь хамгийн зөв хувилбар юм. Тэгэхгүй ажиллаагүй жилээ төрөөр даалгах, мөн хэдхэн төгрөг төлчихөөд тэтгэвэрт гарах болохоороо сүүлийн 5 жилд өндөр төлөөд өндөр тэтгэвэр тогтоолгодог байдлыг хэрхэвч зөвшөөрч болохгүй Мөн тэтгэврийн доод хэмжээг нэмэх нь зөв ч дээшхи нэмэгдлийг хувиар биш тоогоор нэмэх зөв байна:.

2022 оны 01 сарын 31 | Хариулах
Зочин (124.158.111.6)

Сүүлийн 5 жил бөөн мөнгө төлөөд тогтоолгох,20,30,40 жил ажиллаад тэтгэвэр тогтоолгох интервал дээр л ажиллах хэрэгтэй. Ажил хийхгүй Мөнгө төлөөд тэтгэвэр тогтоолгож бгаа бол 40%, 20 жил 55,30 жил 65%, 40 жил 75% гэх мэтчилэнгээр өөрчлөлт оруулвал зүгээр байх даа.

2022 оны 01 сарын 31 | Хариулах