МУ-ын гавьяат жүжигчин Жанчивдорж агсны хүү, жүжигчин, кино найруулагч Ж.Жамьянсүрэн хэмээх залуу уран бүтээлч бий. “Далан худалч” жүжгийн Хүрээ бандийн дүр “Бооцоо” жүжгийн цагдаагийн дүр “Мөрөөдлийн хөлөг онгоц” киноны гол дүр болох хоёр ихэр Гарьд, Гантулга нар, "Нэгэн нарны дор” олон ангит уран сайхны киноны Манлай эмч зэрэг олон дүр бүтээж, “Сексийн эрх чөлөө” киногоороо олонд танигдсан жүжигчин, кино найруулагч Ж.Жамьянсүрэн бөөрний архаг дутагдалд орж, биеийнх нь байдал сайнгүй байна.

Тиймээс түүний эмчилгээнд зориулсан “Нэгэн нарны дор нэртэй хандивын тоглолтыг Хөвсгөл аймгийн нутгийн зөвлөл, Галт сумын нутгийн зөвлөл, ДБЭТ-ын гоцлол дуучин Ө.Уянга тэргүүтэй уран бүтээлчид зохион байгуулж байгаа юм.
Сонирхуулахад, тэрбээр хүнд өвчтэй, шаналж, ганцаардаж байгаа хүмүүсийн тухай “Бурханы найруулга” нэртэй кино зохиол бичээд дуусч байгаа юм байна.

150100 дугаарын утас руу мессэж илгээгээрэй. Таны мессэжний орлого Ж.Жамьянсүрэнгийн эмчилгээний зардалд хандив болон очих болно.