Хөгжлийн банкны чанаргүй зээлийн талаарх “Өөрөөр нь төлүүлье” хэлэлцүүлэг өрнөж байна.  Энэ үеэр УИХ-ын гишүүн Т.Доржханд мэдээлэл хийлээ. Тэрбээр “Жижиг дунд үйлдвэрлэлийн хулгайг бид мартчихсан. Одоо үүнийг мартаж болохгүй. Хоёр төрлийн хариуцлага хүлээх хүлээх хэрэгтэй. Тэгэхээр хуулийн хариуцлага, мөн энэ зээл авсан нөхдүүд мөнгөө төлөх хэрэгтэй. Мөнгө байхгүй гээд байгаа юм. Тэр мөнгө нь хаа нэгэн газар барилга байшин болсон байгаа. Зарим нэг банк бусын байгууллагаар дамжуулан мөнгө хүүлэлт хийгдсэн байгаа. Үүнийг илрүүлэх хэрэгтэй. Нүүрэн дээр нь өөр хүн байж болно. Гэхдээ цаад талын жинхэнэ эзэмшигчид нь Монголын томоохон эрх мэдэлтэй хүмүүс бий.

Худалдаа хөгжлийн банкны эзэн "сахал" Д.Эрдэнэбилэг гэдэг хүн хамгийн их мөнгө авсан байгаа. Мөн Монгол Улсын ерөнхийлөгч байсан Х.Баттулгын холбогдох хүмүүс бүгд авсан.  

МАН-ын 2010-2020 онд эрх мэдэлтэй байсан хүмүүс бүгд зээл авсан байгаа. Хулгай хийсэн нөхдүүд жижиг дунд үйлдвэрийн асуудлаар дарсан байх. Харин энэ хөгжлийн банкны хулгай бол том хулгай шүү. Маш их хэмжээний, том том хулгай бий. МАН, АН үүнд хамрагдсан нөхдүүдийг чөлөөлөх хэрэгтэй . Улс төрийн карьерыг нь зогсоох хэрэгтэй. Битгий хамгаал. Чөлөөлөгдсөн хүмүүсийг бусад намууд битгий хүлээж ав. Тэр хүмүүсийг Монголын иргэд битгий дэмж. Дараа дараагийн улс төрчдөд сургамж болох зорилгоор ийм хариуцлага тооцох хэрэгтэй” гэлээ.

Д.Батчулуун