Ерөнхий сайд Л.Оюун-Эрдэнэ дөнгөж сая мэдээлэл хийж үеэрээ Хөгжлийн банкны талаар байр сууриа илэрхийллээ.

-Хөгжлийн банкийг татан буулгахгүй.

-Хариуцлагагүй зээлдэгчдийн зээлсэн мөнгийг Засгийн газар төлөхгүй.

-Хөгжлийн банкийг цаашид эксим банк хэлбэрээр ажиллуулна. Импортыг орлох, экспортыг дэмжих төслүүдийг санхүүжүүлнэ.

-Эрүүгийн хуулийн дагуу мөнгө угаах хэргээр шалгаж өгөхийг Засгийн газар Улсын ерөнхий прокурорт хандсан.

-Хөгжлийн банкны зээлийг хоёр ангилж авч үзнэ. Улс төрийн нөлөөлөл ашиглан зээл аваад зориулалтын бусаар ашигласан, барьцаа хөрөнгө хангалтгүй, шүүхэд маргаан үүсгээд явж байгаа зээлүүдийг Эрүүгийн хуулийн дагуу авч үзнэ.

-Харин авсан зээлийнх нь барьцаа хангалттай, зориулалтын дагуу ашигласан, импортыг орлох бүтээгдэхүүн үйлдвэрлэж байгаа, цар тахлын улмаас зээлээ их биш хугацаагаар хоцруулсан аж ахуйн нэгжүүдийн зээлийг Засгийн газар хэвийн гэж үзнэ.

 -Хөгжлийн банкинд 1.8 их наяд төгрөгийн зээл чанаргүй зээлийн ангилалд орсон.

С.Сүлд