Засгийн газрын хуралдааны шийдвэрийг танилцуулж байна. Мэдээллийн эхэнд Эрүүл мэндийн сайд С.Энхболд мэдээлэл өглөө. Тэрбээр “Ерөнхий сайд улс даяар бүх хүн амийг урьдчилан сэргийлэх, эрт илрүүлэг оношлогоо шинжилгээнд хамруулах чиглэлийг үүрэг болгосон. Манай улсын хувьд “Алсын хараа 2050”-д иргэн бүрийг хоёр жил тутамд үзлэгт хамруулах тухай тусгасан байдаг. Мөн засгийн газрын 2020-2024 оны мөрийн хөтөлбөрт иргэдийн эрүүл мэндийн боловсролыг дээшлүүлэх, үзлэг оншлогоонд хамруулах тухай тусгасан байдаг. 

2018 оноос эхлэн урьдчилан сэргийлэх үзлэг хэрэгжиж эхэлсэн. Харамсалтай нь иргэдийн оролцоо муу байдаг. Тухайлбал, жилд 10 хүрэхгүй хувь нь хамрагддаг. Харин 2022 оны төсөвт эрүүл мэндийн даатгалын сан дээр 60,8 тэрбум төгрөгийг зөвхөн урьдчилан сэргийлэх үзлэгт зарцуулахаар шийдвэрлэсэн. Эрүүл мэндийн систем нэгдсэн дата болно. Мөн эрүүл мэндийн үзлэгт хамрагдсанаар цаашид гарах санхүүгийн эрсдэлээс сэргийлэх бүрэн боломжтой. Манай улсын дундаж наслалт эмэгтэй 70,8 байдаг бол эрэгтэй 60,6 байдаг. Энэ хооронд  9,7 жил бий. Үүнийг таван жил болгоно хэмээн мөрийн хөтөлбөрт тусгасан байдаг. Мөн манай улсын хувьд амьсгалын тогтолцоо, шээс бэлгийн зам, хоол боловсруулах, гэмтэл согог зэрэг өвчлөл нь тэргүүлэх таван зэрэглэлд багтдаг.  

Харин нас баралтаар  зүрх судасны өвчин, хавдар, осол гэмтэл, амьсгалын зам зэрэг нь тэргүүлэх зэрэглэлд багтдаг. Урьдчилан сэргийлэх үзлэгт хамрагдсанаар эдгээр өвчлөлийг эрт илрүүлэх боломжтой. Бид урьдчилсан сэргийлэх үзлэгээр нярайгаас өтөл насны бүх ангиллыг хамруулаад тавдугаар сарын 1-нээс улс даяар эхлүүлнэ” гэв.

Д.Батчулуун