Засгийн газрын хуралдааны шийдвэрийг танилцуулж байна. Энэ үеэр Соёлын сайд Ч.Номин Дэлхийн хамгийн нэр хүндтэй кино урлагийн Каннын кино наадам, мөн дүрслэх урлагийн салбарын томоохон наадам болох "Венецийн Биенналь"-д оролцохоор болсон талаар мэдээллээ. Тэрбээр "Хөгжлийн бодлого "Алсын хараа 2050",  Шинэ сэргэлтийн бодлогод аялал жуулчлалын салбарын хөгжлийн бодлогыг соёлын салбартай холбох бодлогыг барин ажиллаж байна. Дэлхийн хамгийн нэр хүндтэй кино урлагийн Каннын кино наадам, мөн дүрслэх урлагийн салбарын томоохон наадам болох "Венецийн Биенналь"-д оролцох шийдвэрийг гаргалаа. Тиймээс манай урлагийн салбарынхан Соёлын яамны дэмжлэгтэйгээр дээрх хоёр наадамд оролцох боломж бүрдсэн гэсэн үг. Бидний хувьд аялал жуулчлалын салбартай нягт уялдаатай ажиллахыг эрмэлзэж байна. Аялал жуулчлалыг хөгжүүлэх, жуулчин татахын тулд үзэсгэлэн наадмуудад соёлынхоо бүтээлүүдийг таниулж, үзүүлэх нь чухал юм. Өнгөрсөн онд кино урлагийг дэмжих тухай хууль батлагдсан. энэ хууль батлагдсанаар дэлхийн томоохон киног Монгол оруулж ирж бүтээх боломжийг олгож байгаа. Цаашлаад олон улсын томоохон хэмжээний хэвлэл мэдээллийн байгууллагуудтай хамтарч ажиллана. Өнөөдрийн байдлаар дөрвөн кино продакшинуудтай хамтарч ажиллах суурь нь тавигдсан. Эхний кино зургаан сард орж ирж зураг авалтаа хийхээр төлөвлөгдсөн" гэлээ.