УИХ-ын гишүүн О.Баасанхүү УИХ-ын даргын гаргасан захирамжийн дагуу барилгуудын хууль тогтоомжид өчигдөр шалгалт хийлээ. Шалгалтынхаа талаар түүнээс тодрууллаа.
    УИХ-ын гишүүн О.Баасанхүү УИХ-ын даргын гаргасан захирамжийн дагуу барилгуудын хууль тогтоомжид өчигдөр шалгалт хийлээ. Шалгалтынхаа талаар түүнээс тодрууллаа.

-Шалгалтынхаа талаар танилцуулахгүй юу?

-Өчигдөр Төв шуудангаас АТГ хүртэлх барилгуудад шалгалт хийлээ. Засгийн газрын 30 дугаар байрны хажууд Ерөнхийлөгчийн өвлийн ордон байдаг. Тэднээс эхэлсэн. МУ-ын Ерөнхийлөгч өглөө болгон үүдээрээ гардаг. Гэтэл хажуу талд нь гурван давхар аймшигтай өргөтгөл баригдаж байна. Нурах гэж байгаа барилгад наалдуулаад гурван давхар байсан шиг өргөтгөл барьчихсан. Үүнд хэн ч зөвшөөрөл өгөөгүй. Дотор нь аж ахуйн нэгжүүд үйл ажиллагаагаа явуулаад эхэлчихсэн байна. Дээрээс нь МУ-ын Ерөнхийлөгчийн аюулгүй байдалд асар том аюул учирч байгаа юм. Учир нь ард талын хашаанд 25 давхар барилга “Эко констракшн” барьж байна. Хэн тэр зөвшөөрлийг өгснийг би ойлгохгүй байна. Төрийн тусгай хамгаалалтын хууль яаж хэрэгжээд байна.

-Зөвшөөрөлтэй барилга юмуу?

-Зөвшөөрөлтэй байсан ч утгагүй. Зөвшөөрөх ёсгүй газар зөвшөөрчихсөн байна. Тийм учраас бид зөвшөөрөл гэсэн бичгийг хайж явсангүй. Бидний зорилго зөвшөөрөх ёстой гадар зөвшөөрч үү гэдэг л байна. Үүнийг судлах ёстой.

-Өөр зөрчил илэрсэн үү?

-Нэгдүгээр сургуулийн урд Залуу техникчдийн ордон. Тэнд асар олон барилга баригдаж байна. Хүүхдүүд нь гүйлдээд, багш нь нар эсэргүүцэж, захирал нь дэмжиж байна. Ийм аюултай байдал үүсээд байна. Өөрөөр хэлбэл, захирал тэр газрыг дураараа Монгол-Энэтхэгийн сургууль гээд өгчихөж. Гэтэл дараа нь иргэн Бат-Эрдэнийн байшин болсон байна. Тэнд оффис байрлаж байгаа гээд сургуульд хамааралгүй болчихож. Мөн кран нь маш аюултай. Түүнчлэн тэндээс холгүйхэн ямар ч зөвшөөрөлгүй газарт граш барьсан байна. Мөн хажууд нь аймшигтай том нүх ухаад 16-17 давхар байшин барих гэж байгаа гэнэ. Ард иргэд нь тэмцээд дийлэхгүй байна.

-Хоёрдугаар төрөхөд газар олдохгүй байгаа гээд байсан. Тэнд шалгалт хийж үзсэн үү?

-Үзсэн. Хоёрдугаар төрөхөд газар олдохгүй байна гээд байсан чинь урд нь газар байна. Гэхдээ нэг компани авчихсан байна.

-Тэгэхээр цаашид ямар арга хэмжээ авах вэ?

-Би шалгадаг тогтоодог хүн нь биш. Гэхдээ ард түмэнд бодит байдлыг үзүүллээ. Одоо АТГ шалгах ёстой. Тэгээд шалгаад хоёр шийдвэр хэлэх ёстой. Нэгдүгээрт, энэ байшингуудын ард албан тушаалын асуудал яригдаагүй. Хоёрдугаарт, эсвэл байна гэж. Үүнд нь ажлын хэсэг ажиллаад зохих хүмүүст нь хариуцлага тооцох учиртай.