“Шинэ сэргэлтийн бодлогын хэрэгжилтийг орон нутагт  эрчимжүүлэх нь” нэгдсэн зөвлөгөөн боллоо. Тус хуралд Засгийн газрын гишүүд, аймаг, нийслэлийн удирдлагууд оролцож, сэдвийн хүрээнд хэлэлцүүлэг өрнүүллээ.

Монгол Улсын Ерөнхий Сайд Л.Оюун-Эрдэнэ "Улсын төсвийн хөрөнгөөр бараа, ажил үйлчилгээ худалдан авах ажиллагааг гуравдугаар сарын 1-ний дотор зохион байгуулж дуусгахыг үүрэг болгож байна. Улсын хэмжээнд 716 төслөөс тендер зарласан 345 буюу 48 хувийн гүйцэтгэлтэй байна. Одоогийн байдлаар тендер шалгаруулалт эхлүүлсэн хувиар Орхон, Дорнод, Говь-Алтай, Булган, Завхан аймаг тэргүүлж байгаа бол Баян-Өлгий 48 хувь, Дархан-Уул аймаг 43, Увс 45 хувь, Сэлэнгэ 36 хувь, Архангай 19 хувь, Дундговь 17 хувиар байна. Тиймээс худалдан авах ажлыг цаг тухайд нь гүйцэтгэж чадаагүй сүүлийн байранд орсон гурван яам, гурван орон нутгийг ирэх жилийн улсын төсөвөөс хасаж, тэргүүлсэн гурван яам, гурван орон нутгийг ирэх жил урамшуулна" гэв. 

Т.Мөнхжаргал