Монголын ардчилсан холбооны Хяналтын зөвлөлийн дарга Д.Пүрэвбаатар өчигдөр мэдээлэл хийж С.Эрдэнэ, Д.Монголхүү, А.Цэрэнбат нарын найман иргэнийг Цагдаагийн байгууллагаар шалгуулахаар хүсэлт гаргаснаа мэдэгдсэн. Учир нь, тэднийг МоАХ-ны дүрэм журмыг зөрчин, тус холбоог шинээр байгуулж байгаа мэтээр ойлголт төрүүлэхүйц мэдээллийг тараасан гэж үзэж байгаа юм байна. Харин энэ мэдээлэлтэй холбогдуулан АН-ын дарга асан С.Эрдэнэ өөрийн байр сууриа цахим хуудсаараа дамжуулан хүргэлээ. Тэрбээр, “Женко сүржин мэдэгдэл гаргав. Хүний үг хэлэх үзэл бодлоо илэрхийлэх хувь хүний эрхийн төлөө тэртээх 1990 онд МоАХ маань тэмцэж гарч ирсэн. Гэтэл үг үзэл бодлоо илэрхийлж зөвлөлдсөн гэж МАН-ын даргын зөвлөх Женко намайг цагдаад өгчээ. Би энэ эрхийн төлөө хэзээ ч зогсох л болно” хэмээжээ.

Дашрамд дурдахад өнгөрсөн 2021 оны наймдугаар сард Ерөнхийлөгч асан Х.Баттулгыг Монгол Улсын Ерөнхий сайд Л.Оюун-Эрдэнэ орон тооны бус зөвлөхөөрөө томилсон билээ.

С.Сүлд