Хууль зүйн зайд Х.Нямбаатар Засгийн газрын хуралдааны шийдвэрийг танилцууллаа. Тэрбээр “Капитал банкийг татан буугдахад байршиж байсан Нийгмийн даатгалын ерөнхий газар, Эрүүл мэндийн даатгалын санд төвлөрч байсан нийт 240 тэрбум төгрөгийг өр төлбөрийг барагдуулах шийдвэрийг Монгол банкнаас гаргасан.

Харин Эрүүгийн хэрэг мөрдөн шалгах ажиллагааны явцад тус банкны харилцахад байсан үлдэгдэл бэлэн мөнгөнөөс хоёр даатгалын санд тус бүр 7,7 тэрбум төгрөгийн мөнгийг шилжүүлсэн. Мөн ЭМДС-д 36,5 тэрбум төгрөгийн үнэ бүхий үл хөдлөх эд хөрөнгийг, НДЕГ-т 22,1 тэрбум төгрөгийн эд хөрөнгийг шилжүүлж өгсөн.

Харин өнгөрсөн амралтын өдрүүдэд тус банкинд хураагдсан, битүүмжлэлд байсан эд хөрөнгийг НДЕГ болон ЭМДС-д авбал зохих хувь хэмжээгээр нь хувь тэнцүүлж өгч тохиролцсон. Өнөөдрийн Засгийн газрын хуралдаанаар үлдсэн 118 тэрбум төгрөгийн эд хөрөнгийг хууль эрх зүйн хүрээнд хувь тэнцүүлж өгөхийг Хууль зүй дотоод хэргийн яам, Нийгмийн хамгаалал хөдөлмөрийн яам, Эрүүл мэндийн яаманд үүрэг болголоо.

Одоогоор Эрүүл мэндийн даатгалын ерөнхий газрын авбал зохих хэмжээ буюу үлдэгдэл төлбөр 91,9 тэрбум төгрөг, Нийгмийн даатгалын ерөнхий газрын авбал зохих үлдэгдэл 74,3 тэрбум төгрөг байна.

Т.Мөнхжаргал