Хөгжлийн банкны асуудлаар банкны удирдлагууд мэдээлэл хийж байна. Хөгжлийн банкны дэд захирлын үүрэг гүйцэтгэгч Ж.Эрхэмбаатар ингэж хэллээ. Тэрбээр "Боловсон хүчинтэй холбоотой хэд хэдэн асуудал байна. Улс төрийн нөлөөлөлөө ашиглаж хамаатан садан бүхий хүмүүсээ тодорхой албан тушаалд томилох байдлаар хэрэгжиж байсан нь шүүхээр тогтоогдсон. Гэвч эдгээр хүмүүс одоо хүртэл ажилласаар байна. Зээл олгоход эрсдэлийн болон барьцаа хөрөнгийн судалгаа, үнэлгээ хийдэг. Гэтэл энэ бүх шийдвэр гаргалтад оролцож, эрсдэлгүй хэмээн дүгнэсэн нь өнөөдрийн эрсдэлтэй байдал үүсэхэд оролцсон ажилчидын буруутай нь тогтоогдвол ажлаас чөлөөлөх арга хэмжээ авна. Үүнийг Ерөнхий сайд Л.Оюун-Эрдэнэ үүрэг болгосон төдийгүй, Авлигатай тэмцэх газраас нэр бүхий ажилчдыг шалгах ажиллагаа явагдаж байна. Өөр нэгэн жишээ гэвэл намайг ажилд орсноос хойш Эрсдэлийн удирдлагын газрын захирал ажилдаа ирээгүй, алга болчихсон, Эрсдэлийн хэлтэсийн дарга нь яллагдагчаар татагдсан байдалтай байна.Мөн нотлох баримтын бүрдүүлбэр дутуу буюу 47 зээлийн материал дутуу, алдаатай, ажилчид хотлох баримт хүлээлцэхдээ хэн нотлох баримт устгасан нь тодорхойгүй буюу 66 хувь нь зөрчилтэй гэж гарлаа.

Т.Мөнхжаргал