Дорнод аймгийн Мэнэнгийн талд газрын тосны үйл ажиллагаа явуулж буй БНХАУ-ын “Петрочайна Дачин Тамсаг” компанийг Баянзүрх дүүргийн шүүхээс байгаль орчинд хохирол учруулж, нөхөн сэргээх үүргээ биелүүлээгүйг тогтоож 1,3 тэрбум төгрөгийг Матад сумын төсөвт оруулах шийдвэр гаргасан. Гэвч тус компани үүнийг үндэслэлгүй хэмээн үзэж, давж заалдах шатны шүүхэд гомдол гаргасан
    Дорнод аймгийн Мэнэнгийн талд газрын тосны үйл ажиллагаа явуулж буй БНХАУ-ын “Петрочайна Дачин Тамсаг” компанийг Баянзүрх дүүргийн шүүхээс байгаль орчинд хохирол учруулж, нөхөн сэргээх үүргээ биелүүлээгүйг тогтоож 1,3 тэрбум төгрөгийг Матад сумын төсөвт оруулах шийдвэр гаргасан. Гэвч тус компани үүнийг үндэслэлгүй хэмээн үзэж, давж заалдах шатны шүүхэд гомдол гаргасан. Харин уг гомдлыг Нийслэлийн шүүхэд хэлэлцэж, анхан шатны шүүхийн шийдвэрийг хэвээр баталсан учир Улсын дээд шүүхийн хяналтын шатны шүүхэд хандаад байсан билээ. Уг гомдлыг өнөөдөр Улсын дээд шүүхэд хэлэлцээд, анхан болон давж заалдах шатны шүүхийн шийдвэрийг хэвээр баталсан байна. Ингэснээр БНХАУ-ын “Петрочайна Дачин Тамсаг” компани байгаль орчинд хохирол учруулсан 1.3 тэрбум төгрөг төлөхөөр болж байгаа юм. Хуралд илтгэгч шүүгчээр Д.Тунгалаг оролцох юм байна.