Гадаад харилцааны сайд Б.Батцэцэг ОХУ-Украин хооронд өрнөөд байгаа дайны нөхцөл байдалд Монгол Улсын байр суурийн талаар хэлэхдээ "Монгол Улсын Үндсэн хууль, Гадаад бодлогын үзэл баримтлалын дагуу Энхийг эрхэмлэсэн, олон тулгуурт гадаад бодлого явуулдаг. Тийм ч учраас сүүлийн үед болж буй үйл явдалд гүнээ сэтгэл зовинож байна. Дайны байдал хурцдаж, байдал даамжирвал, дэлхийн энх тайван, тогтвортой байдалд ноцтой нөлөөлж, таамаглашгүй үр дүнд хүргэх аюултай. Иймд холбогдох талууд яриа хэлэлцээр хийх замаар дипломат үйл ажиллагаа болон сайн санааны үндсэнд галыг даруй зогсоож, хурцадмал байдлыг намжаах нь чухал гэж үзэж байна. Цаашдаа Үндэсний аюулгүй байдлын зөвлөлийн гишүүдтэй зөвлөлдөж шаардлагатай бол ойрын хугацаанд мэдэгдэл гаргана" гэлээ. 

Т.Мөнхжаргал