Ерөнхийлөгч асан Ц.Элбэгдорж ОХУ-Украины дайны талаар байр сууриа илэрхийллээ. Тэрбээр “Гитлерийн эсрэг дайнд манай улс ЗХУ-ыг бүх чадлаараа дэмжиж, байдаг зүйлээ явуулсан. Улсын төсвийн талыг, 500,000 морь, гурван сая хонь зэрэг явуулж байсан. Үүнийг ОХУ ихэд үнэлдэг. Одоогийн Ерөнхийлөгч В.Путин хүртэл хэлдэг. Харин өнөөдөр Украины эсрэг дайнд бид дэмжих боломжгүй. Оросын ард түмэнтэй тогтоосон бидний найрамдал мөнх, байнга үргэлжилнэ" гэв.

ОХУ Ерөнхийлөгч В.Путины хэлсэн үгнээс үзэхэд энэ дайныг эхлүүлэхдээ гурван зүйлийг сул тооцжээ гэж харж байгаа. Нэгдүгээрт ОХУ иргэд дотооддоо дайныг эсэргүүцэж байна. Хоёрдугаарт  цэргийн бөмбөгдөлтөөр дайн эхлүүлвэл, одоогийн удирдлагын эсрэг байр суурьтай Украинчууд дэмжиж, дотооддоо хагараад цэцэг бариад угтана гэсэн ч эсрэгээрээ зэвсгээр дайтаж Украинчууд нэгдлээ. Энэ эзлэн түрэмгийлэх дайны эсрэг эцсээ хүртэл тэмцэнэ гэсэн байр суурьтай байгаа. Гуравдугаарт, хүчтэй дайралтад Украины удирдлагуудыг зугтана гэж тооцсон байж болзошгүй. Тэднийг зугтахад өөр удирдлага томилж, хүсч байгаа зүйл болох Кремийн тухай хүлээн зөвшөөрч, Украин Европын холбоонд элсэнэ гэдгээ больж, төвийг сахьсан улс бол гэсэн саналд гарын үсэг зуруулах бодолтой байсан байх" гэв.

Т.Мөнхжаргал