Уярал хайр, энэрэл нигүүлслийн ундарга эмэгтэйчүүд Та нартаа Мартын 8-ны баярын мэнд хүргэе.

Энэ өдөр эмэгтэйчүүдийн эрхийг хамгаалах, тэднийхээ сайн сайхны төлөө тэмцэх өдөр билээ. Энэхүү агуулгыг бид хичээн хадгалж, энэ өдөр эмэгтэйчүүдийнхээ төлөө сайн үйл хэрэг бүтээхээс эхлээд баярлуулж, хайрлаж, халамжилж тэмдэглэдэг болсон нь туйлын сайшаалтай.

Энэ орчлонг агаар ус лугаа тэтгэн амьдруулагч эхийн хайр, эхийн сэтгэл, эмэгтэй хүний уян зөөлөн сэтгэл билээ. Энэ хайр гэгч үгүй бол энэ амьдрал гэдэг сөнөсөн галт уул, хүйтэн сарны гадаргуу шиг байх биз ээ. Энэ ертөнцийн шимтэй бүхэн эхийн сэтгэл, уярам хайраас ундарнам билээ.

Эмэгтэйчүүдийн эрхийг хамгаалах энэ өдөр бол бүхий л хүн төрөлхтний баяр юм. Эхээс төрөөгүй, үндэс угсаагүй ямарч бодгаль энэ замбуулин даяхнаа үгүйн адил хайрын тухай дуу, бүүвэйн дуу дуулж уяраагүй нэг ч зүрх байхгүй. Хорвоо бүхэлдээ эхийн хэвлийд багтаж, элбэрэл хайранд тань бөхийдөг дөө.

Өрх гэрийн халамжит хань чамдаа, охиддоо, өмөг түшиг, ухаан тэгш, үлэмж гоо Монгол эмэгтэйчүүд Та бүхэндээ баярын мэнд хүргэж, эрүүл энх, сайн сайхан бүхнийг хүсэн ерөөе.