Ардчилсан намын даргын сонгуулийн сунгаанд нэр дэвшигчдыг бүртгэх хугацаа өнөөдрөөр дуусч байна. Харин одоогийн Ардчилсан намын дарга О.Цогтгэрэл нэр дэвшихгүй гэдгээ мэдэгдлээ. Тэрбээр өөрийн цахим хуудсандаа “Ардчилсан нам маань сүүлийн хоёр УИХ-ын сонгуульд үнэмлэхүй ялагдаж, өөрийн бодлогыг төрийн бодлого шийдвэр болгож, хэрэгжүүлэх боломжгүй явсаар ирлээ. Мөн энэ хугацаанд сөрөг хүчний үүргээ амжилттай биелүүлэх боломжгүй дотоодын хагарал тэмцэл, олон зүйл болсныг та бүхэн  мэдэж байгаа. Сүүлийн өдрүүдэд АН-ын төлөөллийн төв байгууллагууд хуралдаж АН-ын даргын сунгаа зарлагдаж, ирэх дөрөвдүгээр сарын 07-нд их хурлаа зарлалаа. Өнгөрсөн хугацаанд АН-ын 200,000 гишүүд, орон нутгийн удирдлагууд, төлөөллийн төв байгууллагын гишүүд, Үндэсний бодлогын хорооны гишүүд, УИХ гишүүд бүгд нэг талд байснаар Улсын дээд шүүх, АН-ын даргын маргаанаас бусад маргаан байхгүй гэдгийг тодотгон шийдвэрлэсэн. Энэ удаагийн дотоод сонгууль, сунгаа, үүгээр батлагмжлах их хурлын үйл явц бол АН-ын цэгцрэл, дотоод учраа олоход асар чухал үйл явц. Иймд намын эрх ашгийн төлөө, шинээр сонгогдсон дарга хурдан батламжлагдаж улс төрийн үйл ажиллагаандаа ороход том алхам болох болно гэж үзэж энэ удаагийн дотоод сунгаанд би оролцохгүй байхаар, хувь хүний шийдвэрээ гаргаж байна” гэв.