УИХ гишүүн асан С.Эрдэнэ өнөөдөр мэдээлэл хийлээ. Тэрбээр "УИХ гишүүн Ц.Туваан, Ж.Батсуурь, Улсын дээд шүүхийн шүүгч Д.Ганзориг нарыг шалгуулахаар өнгөрсөн даваа гаригт Үндсэн хуулийн цэцэд өгсөн. Улсын дээд шүүхийн шүүгч Д.Ганзориг бол удаа дараа хууль зөрчиж, улс төрийн намын чиг үүргийг хэрэгжүүлэхээс зайлсхийсэн энэ этгээд Х.Баттулга Ерөнхийлөгчийн үед томилогдсон хонгилын шүүгч. Үүнийг би хаана ч хэлнэ. Шүүхийн шударга байдлыг бий болгохын тулд доороос нь биш дээрээс нь эхлэх ёстой. Тиймээс бид бүрэн эрхээсээ татгалзаад ч хамаагүй шалгуулахад бэлэн байна.

Өнгөрсөн хоёрдугаар сарын 16-нд Нийслэлийн хяналтын шатны захиргааны шүүх эцсийн шийдвэрээ гаргасан. Ц.Туваан О.Цогтгэрэл нарт байсан тамгыг хүчингүйд тооцож, надад байсан тамгыг хүчин төгөлдөр гэж үзээд давж заалдах эрхгүйгээр эцсийн байдлаар шийдвэрлэсэн. Тиймээс тамганы маргаан одоо дууссан" гэв.

Т.Мөнхжаргал