УИХ-ын гишүүн Т.Доржханд мэдээлэл хийлээ. Тэрбээр "Сонгуулийн тогтолцоог өөрчилье, гишүүдийн тоог өсгөе гэсэн асуудлыг тавьж байгаа юм. 76 гишүүнтэй байх хуулийг 1992 онд батлагдсан. Тухайн үед 2,1 сая хүн амтай байсан. Өнөөдөр 3,5 Сая хүн амтай болсон. Гишүүд иргэдээ төлөөлдөг. Яагаад гишүүдийг нэмэх ёстой ва гэвэл нэг хүний засаглалтай байх юм уу, олон хүний засаглалтай байх юм уу гэдэг асуудал. Казахстан, Орос Украины асуудал гээд аль аль нь нэг нэг хүн засагладаг.

Өнөөдөр маш олон улсууд ардчиллаасаа ухарсан байна. Монгол улсын ерөнхийлөгч, төрийн тэргүүнийг парламентаас сонгодог байя. Шаардлагатай бол өргөтгөсөн парламентаас сонгоё.  УИХ гишүүд, аймгийн ИТХ, Сумын ИТХ, Дүргийн ИХТ гээд ард түмний төлөөлөл болсон 10 мянга гаруй хүн байна. Эдгээр хүмүүс сонгодог байя. Ажлаа булаацалдаж хийдэг гучин жилийн зовлонг эцэслэе. Дараагийн зохицуулалт нь гэвэл, ерөнхий сайд дан дээлээр ажилладаг байна уу, давхар дээлээр ажилладаг байна уу үүнийг өөрсдөө шийдээд явъя зэрэг байдлаар Үндсэн хуулийн зохицуулалтад өөрчлөлт оруулахаар Үндсэн хуулийн цэцэд хандсан. 2019 онд дутуу орхигдсон заалтуудаа хийгээд явах нь зүйтэй юм байна гэдэг дээр төрийн тэргүүнүүд хүртэл санал нэгдсэн. Энэ маш сайн хэрэг. Улс төрийн намын тухай хууль маш чухал. Өнөөдөр нэг хүний ашиг сонирхолд тулгуурласан, үйл ажиллагаа нь ойролцоо олон нам байна. Ийм байдлаар парламент ардчилал хөгжих боломжгүй юм” гэв.  

Д.Батчулуун