Хөшигийн хөндийд эдийн засгийн чөлөөт бүс байгуулах асуудлаар УИХ-ын гишүүн асан Д.Оюунхорол мэдээлэл өглөө. Тэрбээр "Хөшигийн хөндийд эдийн засгийн чөлөөт бүс байгуулах асуудал УИХ-аар шийдэгдлээ. Монгол улсад чөлөөт бүс байгуулагдах шийдвэр гарснаас хойш Алтанбулаг-Замын-Үүдийн чөлөөт бүс байгуулагдсан. Харамсалтай нь амжилттай болж чадаагүй. Үүн шиг үрэлгэн ажил болчихвий дээ хэмээн их болгоомжилж байгаа. Хөшигийн хөндийд бүтээн байгуулалт хийгдэх гэж байгаа чөлөөт бүс бол нисэх онгоцны буудал, төмөр зам, хурдны замын гармууд оролцсон уулзвар зангилаан дээр байгуулагдана. Энэ нь байршлын хувьд оновчтой. Дунд суудлаа түшиглэсэн эдийн засгийн чөлөөт бүсүүд их амжилттай байдаг жишээнүүд бий. Тиймээс энэ ажил амжилттай хэрэгжинэ гэж бодож байна. Эхний тооцоо судалгаа бол одоогийн нисэх онгоцны ачаалал жилдээ 2,5 сая зорчигчийг хүлээн авах боломжтой. Үдэн гаргах, угтах үйлчилгээтэй нийлээд 7,5 сая хүн үйлчлүүлэх боломжтой. Нөгөө талаас үйлчилгээний эдийн засаг түүнийгээ дагаад хөгжих маш том боломжууд бий болно. Мөн аялал жуулчлал, энтертейнмэнт шоу, бизнесийн төв, мэдээлэл технологийн төвийг байгуулах, нүүдлийн соёл иргэншлийн өвийг харуулсан кино кластер төвийг байгуулна. Ингэснээр маш олон залуучуудыг ажилтай орлоготой болгох боломж бүрдэнэ. Монгол улс төдийгүй дэлхийд эдийн засгийн сэргэлт хийх шаардлага тулгарч байна. Эдийн засгийн энэ хүнд үед аялал жуулчлалын салбараас 16,600 хүн ажилгүй, орлогогүй болсон гэх судалгаа гарсан. Тиймээс бид аялал жуулчлалын сэргэлтийг бий болгож, залуучуудыг ажилтай орлоготой болгох, халамжаас хөдөлмөр рүү шилжих боломж бүрдэнэ гэж харж байна” гэв.

Д.Батчулуун