Ардчилсан намын даргын сонгуулийн сурталчилгаа тав дахь аймаг болох Говьсүмбэр аймагт үргэлжилж байна. Даргын сонгуульд нэр дэвшигчид Говьсүмбэр аймгийн Чойр хотод мөрийн хөтөлбөрөө танилцуулж, ардчиллыг дэмжигч нартайгаа уулзалт хийлээ. Уулзалтын эхэнд Ардчилсан намын хэрэг эрхлэх газрын дарга Б.Ган-Очир Ардчилсан намын даргын сунгаа хуулийн дагуу бүрэн хүлээн зөвшөөрөгдсөн Улсын дээд шүүхийн 38-р тогтоолыг гишүүд дэмжигч нарт тайлбарлан хэлж байв. Ийнхүү тус намын даргын сунгаанд нэр дэвшигч нар мөрийн хөтөлбөрөө танилцууллаа. Хоёр нэр дэвшигчийн мөрийн хөтөлбөрт эв нэгдлийг эрхэмлэнэ, цаашлаад ирэх сонгуульд намаа ялуулах үндсэн бодлогоо хэлж байсан юм. Нэр дэвшигч Батсуурь анхан дунд шатанд нягт ажиллахаа хэлж байсан бол нөгөө талаас Х.Баттулга нэр дэвшигч нэн тэргүүнд тамга тэмдэгний асуудлыг шийдэх, цаашлаад ирэх сонгуульд ардчилсан намын ялуулах бодлого боловсруулсан тухайгаа хэллээ. Мөн ардчилсан намын Говьсүмбэр аймгийн гишүүд дэмжигчид тус намын даргын сунгаанд идэвхтэй оролцохоо илэрхийлжээ.

Д.Батчулуун