Засгийн газрын хуралдаанаар гарсан шийдвэрүүдийг танилцуулж байна. Хөтлийн цемент, шохойн үйлдвэрийн талаар УИХ-ын гишүүн Ц.Нямдорж мэдээлэл өглөө.

Тэрбээр “2011 онд Хөтлийн цемент, шохой үйлдвэрийг арван жилийн хугацаатай Безмент гэдэг компанид шилжүүлсэн. 2021 онд гэрээний хугацаа дуусах байсан. Гэтэл 2015 онд өртэй нь хувьчил гэх шийдвэр гараад энэ компани хувьчлагдсан маягтай болсон. Өнөөдрийн байдлаар эзэн ч байхгүй болсон. 2015 онд ганц хүнтэй байсан компани нэрээ өөрчлөөд Хөтөл гэх нэртэй болсон. Хувьчилж авсан сүүлийн хүн нь нас барсан. Нас барсны дараа Хөтөл компанийг өв залгамжлагчид нь авахаас татгалзсан. Хуулийн байгууллага энэ асуудлыг шалгаж байгаа. Хувьчлал явуулахад хууль зөрчсөн. Хувьчлалын дараа ч гэсэн гэрээний үүргээ биелүүлээгүй байна. Хувьчилсан шийдвэрээ хүчингүй болго гэсэн санал ирсэн. 

2015 онд Засгийн газрын жагсаал гарсан. Жагсаалтын 15 дугаарт Хөтөлийн цемент, шохойн үйлдвэр орсон. Тэрхүү заалтыг хүчингүй болгох шийдвэр гарлаа. Үүний дараа төрийн өмчийн хороо хуралдаж, тэрхүү заалтыг хүчингүй болгоно" гэв.

Д.Батчулуун