Хөгжлийн банкны асуудлаар Төрийн ордонд нээлттэй сонсгол болж байна. Энэ үеэр Монгол банкны ерөнхийлөгч Б.Лхагвасүрэн мэдээлэл хийлээ.

Тэрбээр “Хөгжлийн банк 2011 онд байгуулагдаад, хөгжлийн банкны бүх төсөл хөтөлбөрийг Засгийн газар, УИХ-аар батлаад олгодог байсан. Энэ утгаараа Төв банкны оролцоо байгаагүй. Банк ч гэдэг гэрчилгээг аваагүй явсан. Харин 2017 онд орсон хуулиар Монгол банк гэх гэрчилгээг авсан. Ийнхүү хяналт тавих хэмжээнд аваачсан. Тавьдаг хяналт шалгалтын хүрээнд биш, Засгийн газрын санхүү эрхэлсэн сайдын зөвлөмж санаачлагаар активын ангиллын журам, зохистой харьцааны журмыг батлаад тэр хүрээндээ шалгалт хийдэг. Одоо ч мөн энэ хүрээндээ хяналт шалгалт хийх зохицуулалттай байна. Тухайн үед хийсэн шалгалтын харьцааг танилцуулъя. Төлбөр түргэн гүйцэтгэх чадварын харьцаа 100 хувиас илүү байх ёстой. Тухайн үед банкнаас ирүүлсэн харьцаа 168 байсан. Үүнийг Монгол банк шалгахад зөрчил байгаагүй.

Зээл баталгаа, зээлтэй адилтгах актив хөрөнгийн дүн өөрийн хөрөнгөөс 30 дахин нэмэгдүүлсэн хөрөнгөөс хэтрэхгүй байх хэрэгтэй байдаг. Монгол банкны хяналт шалгалтаар 11,7 дахин их байсан. Мөн Монгол банкнаас Хөгжлийн банканд чанаргүй зээлтэй холбоотой акт тогтоож,  мэдэгдэл хүргүүлсэн.  Тухайлбал, Зээлдэгч нь шүүхийн шийдвэрийн өргүй байх гэсэн заалт бий. Гэтэл 267,2 сая төгрөгийн өртэй зээлдэгчид зээл олгосон зэрэг өөрийн банканд байгаа журмыг биелүүлээгүй учраас үүнд хугацаатай үүрэг өгсөн. Зээлтэй компанид зээл олгосон нь Хөгжлийн банканд олон эрсдэл дагуулсан” гэв.

Д.Батчулуун