УИХ дахь есөн эмэгтэй гишүүнээс “аз од”-оороо гийсэн нэгэн гишүүн бол З.Баянсэлэнгэ. Учир нь тэрээр МАХН-ын дарга Н.Энхбаярын төлөө халуун хүйтнийг ажралгүй жагсаал цуглаан зохион байгуулж, өлсгөлөн зарлаж байсны хүчинд намын квотоор гишүүний зөөлөн суудалд суусан. Бас болоогүй ээ. Нийгмийн бодлого, боловсрол, соёл шинжлэх ухааны байнгын хороон дарга гэх албан тушаалыг хашиж яваа.
    УИХ дахь есөн эмэгтэй гишүүнээс “аз од”-оороо гийсэн нэгэн гишүүн бол З.Баянсэлэнгэ. Учир нь тэрээр МАХН-ын дарга Н.Энхбаярын төлөө халуун хүйтнийг ажралгүй жагсаал цуглаан зохион байгуулж, өлсгөлөн зарлаж байсны хүчинд намын квотоор гишүүний зөөлөн суудалд суусан. Бас болоогүй ээ. Нийгмийн бодлого, боловсрол, соёл шинжлэх ухааны байнгын хороон дарга гэх албан тушаалыг хашиж яваа.

    УИХ-ын гишүүн болсон цагаасаа “Ордны азтай бүсгүй”, “2012 оны хамгийн азтай хүн” “Хорооны даргаас, УИХ-ын гишүүн болсон”, “залилангийн хэрэгт холбогдож байсан”, “цагдаагийн байгууллагаас хөөгдсөн”, “хэрэг нуун дарагдуулсан” “Төр, засгийн үйлчилгээ, аж ахуй эрхлэх газраас олгосон “Toyoto crown” машиныг голж, “BMW” машин өгөхийг шаардсан гэх хэл амийг дагуулж байсан түүний талаар нэгэн эерэг мэдээлэл хэвлэлээр цацагдав.

    Тэрээр Япон улсад болж буй “Хүн ам хөгжлийн асуудлаархи Азийн 28 дахь парламентчидын уулзалт” хуралдаанд Монгол улсаа төлөөлөн зөвлөх П.Ангарагтайгаа оролцож байгаа. Энэ үеэр Индонез Улсын Их хурлын гишүүн ухаан алдаж унаж, харвалт өгөхөд З.Баянсэлэнгэ гишүүн, Шинэ Зеландын Их хурлын гишүүнтэй хамтран, хиймэл амьсгаа хийн түргэн тусламж иртэл, эмнэлгийн анхан шатны тусламж үзүүлэн Индонез Улсын Их хурлын гишүүний амийг аварсан байдаг. Тиймээс Японы Токио хотын Онцгой байдлын албаны дарга УИХ-ын гишүүн З.Баянсэлэнгэ болон Шинэ Зеландын парламентын гишүүнийг талархлын жуух бичгээр шагнасан билээ. Мөн Энэтхэгийн парламентын гишүүд талархал илэрхийлж, дурсгалын зүйл гардуулсан байна. Энэ тухай гадаад, дотоодын хэвлэлүүдээр мэдээлжээ.

    Юутай ч Анагаахын их сургууль төгсөж, ганц худагт сувилагч хийж явсан тэрээр Индонез Улсын Их хурлын гишүүний амийг аварч, Монголынхоо нэрийг мандуулаад амжжээ. Тиймээс түүний энэ үйлдэлд “Шударга журам” медаль олгоно хэмээн манай эх сурвалж мэдээллээ. Тэгэхээр “Шударга ёс” эвсэл “Шударга журам” медальтай хоёр эрхэм гишүүнтэй болох нь. Хэдэн жилийн өмнө УИХ-ын гишүүн Ч.Улаан дөрвийн дөрвөн хүний амийг голын уснаас авран гаргаж, тус медалиар шагнуулж байв. Харин одоо З.Баянсэлэнгэ гишүүн. Одтой, азтайгаараа гайхагдсан эрхэм гишүүн одоо МУ-ын Ерөнхийлөгчөөс “Шударга журам” медаль гардан авах нь. 2012 оны, саарал ордны хамгийн азтай бүсгүйгээр шалгараад буй эрхэм гишүүн үнэхээр 2012 ондоо аз одоор дүүрэн байна.