Монгол Улсын Ерөнхийлөгч Ц.Элбэгдорж Норвегийн Вант Улсын Ерөнхий сайд Енс Столтенбергийн урилгаар 2012 оны 10 дугаар сарын 6-9-ний өдрүүдэд Норвегийн Вант Улсад, Шведийн Вант Улсын Ерөнхий сайд Фредрик Рейнфельдийн урилгаар 10 дугаар сарын 9-11-ний өдрүүдэд Шведийн Вант Улсад тус тус албан ёсны айлчлал хийнэ.
   Монгол Улсын Ерөнхийлөгч Ц.Элбэгдорж Норвегийн Вант Улсын Ерөнхий сайд Енс Столтенбергийн урилгаар 2012 оны 10 дугаар сарын 6-9-ний өдрүүдэд Норвегийн Вант Улсад, Шведийн Вант Улсын Ерөнхий сайд Фредрик Рейнфельдийн урилгаар 10 дугаар сарын 9-11-ний өдрүүдэд Шведийн Вант Улсад тус тус албан ёсны айлчлал хийнэ.

    Монгол Улсын Ерөнхийлөгч Ц.Элбэгдорж Норвегийн Вант Улсын Цог Жавхлант Хаан V Харалд,  Ерөнхий сайд Енс Столтенберг нартай, мөн Шведийн Вант Улсын Цог жавхлант Хаан Карл XVI Густав, Ерөнхий сайд Фредрик Рейнфельд, Риксдаг (Парламент)-ын дарга Пер Уэстербери болон албаны бусад хүмүүстэй тус тус уулзана.
Албан ёсны уулзалтуудаас гадна Ерөнхийлөгч Ц.Элбэгдорж Монгол-Норвеги, Монгол-Шведийн бизнес уулзалтын нээлтийн ажиллагаанд оролцож үг хэлж, Норвегийн Олон улсын харилцааны хүрээлэнд зочилж, лекц уншина.

    Монгол Улсын Ерөнхийлөгчийн айлчлал нь Норвегийн Вант Улс, Шведийн Вант Улстай харилцааг өргөжүүлэн хөгжүүлж, худалдаа, эдийн засгийн хамтын ажиллагааг шинэ шатанд гаргах, эдгээр орны хөгжлийн эерэг туршлагыг Монголд авч хэрэгжүүлэхэд чухал түлхэц болно гэж үзэж байна.