Улсын ерөнхий прокурор УИХ-ын найман гишүүний бүрэн эрхийг түдгэлзүүлэх санал оруулж ирж магадгүй хэмээн мэдээлж байгаа. Ингэсэн тохиолдолд УИХ ажлын таван өдөрт багтаан уг асуудлыг хэлэлцэн шийдвэрлэдэг бөгөөд хамгийн эхлээд Халдашгүй байдлын дэд хороогоор хэлэлцэн санал дүгнэлт гаргадаг. Дараа нь Хууль зүйн болон Төрийн байгуулалтын байнгын хороогоор хэлэлцэн санал дүгнэлт гаргаад Төрийн байгуулалтын байнгын хорооны гаргасан санал дүгнэлтээр УИХ-ын нэгдсэн чуулганы хуралдаанаар оруулан санал хураан шийдвэрлэдэг билээ.

Халдашгүй байдлын дэд хорооны даргаар УИХ-ын гишүүн Н.Энхболд, Төрийн байгуулалтын байнгын хорооны даргаар УИХ-ын гишүүн Ж.Мөнхбат, Хуульзүйн байнгын хорооны даргаар УИХ-ын гишүүн С.Бямбацогт гишүүд ажилладаг билээ. Тэгвэл хэвлэлүүдээр мэдээлээд байгаачлан Ерөнхий прокуророос бүрэн эрхийг нь түдгэлзүүлэх санал оруулж магадгүй хэмээн нэрлэгдээд байгаа найман гишүүн эдгээр байнгын болон дэд хороодод хэрхэн харьяалагддагийг сонирхуулъя.

УИХ-ын гишүүн Н.Алтанхуяг

- Хууль зүйн байнгын хорооны гишүүн

-Аюулгүй байдал, Гадаад бодлогын байнгын хорооны гишүүн

УИХ-ын гишүүн Ё.Баатарбилэг

- Төрийн байгуулалтын байнгын хорооны гишүүн

-Боловсрол, соёл, шинжлэх ухаан, спортын байнгын хорооны гишүүн

УИХ-ын гишүүн  С.Бямбацогт

-Халдашгүй байдлын дэд хорооны гишүүн

-Хууль зүйн байнгын хорооны дарга

-Төрийн байгуулалтын байнгын хорооны гишүүн

УИХ-ын гишүүн Ж.Эрдэнэбат

-Төрийн байгуулалтын байнгын хорооны гишүүн

-Үйлдвэржилтийн бодлогын байнгын хорооны гишүүн

Харин нөгөө дөрвөн гишүүн нь эдгээр байнгын хорооны гишүүн биш бөгөөд

УИХ-ын гишүүн Л.Энх-Амгалан

- Ёс зүй, сахилга хариуцлагын байгын хорооны гишүүн

- Нийгмийн бодлогын байнгын хорооны гишүүн

УИХ-ын гишүүн Г.Амартүвшин

- Боловсрол, соёл, шинжлэх ухаан, спортын байнгын хорооны гишүүн

- Төсвийн байнгын хорооны гишүүн

- Инновац, цахим бодлогын байнгын хорооны гишүүн

УИХ-ын гишүүн Х.Ганхуяг

-Инновац, цахим бодлогын байнгын хорооны гишүүн

-Боловсрол, соёл, шинжлэх ухаан, спортын байнгын хорооны гишүүн

-Эдийн засгийн байнгын хорооны гишүүн

УИХ-ын гишүүн Г.Дамдинням

-Инновац, цахим бодлогын байнгын хорооны гишүүн

-Боловсрол, соёл, шинжлэх ухаан, спортын байнгын хорооны дарга

-Байгаль орчин, хүнс, хөдөө аж ахуйн байнгын хорооны гишүүн

Дээрх гишүүд дараах Байнгын хороодод харьяалагддаг юм байна.

Д.Батчулуун