Монгол Улсын Ерөнхий сайд Л.Оюун-Эрдэнэ "Монголдоо сайхан амьдаръя" жагсаалтай холбоотой асуудлаар Засгийн газрын ээлжит бус хурлаас гарсан шийдвэрийг танилцуулж байна.

Тэрбээр "Засгийн газар эдгээр асуудлыг нэг дор, нэг амьсгаагаар шийдвэрлэх боломжгүй. Иймд үнийн өсөлттэй холбоотой асуудал дээр Засгийн газраас хууль өргөн барих зайлшгүй шаардлага үүссэн. Ингээд "Гол нэр төрлийн зарим бараа бүтээгдэхүүний үнийн өсөлт, хомстлоос сэргийлэх, сөрөг нөлөөллийг бууруулах тухай” хууль өнөөдөр батлагдлаа. Хууль хэрэгжиж эхэлснээр бензиний үнийг тогтвортой болгох, шатахуун импортлогчдод валютын дэмжлэг үзүүлэх,  зээлийн хүүгийн татаасыг төр хариуцах, бензиний үнийг төв банктай нийлж тодорхой хямралт үед боломжит дээд хувилбараар барих боломжтой болж байна. Энэ багц арга хэмжээнд 100 орчим сая ам,доллар зарцуулах тул үнэ цэнэтэй арга хэмжээ болж байна.

- Гурил, махны үнийг тогтоон барих боломж үүснэ. Төрөөс хөнгөлөлттэй зээл олгох, өнгөрсөн жилийн улайн буудайг худалдаж авах, хаврын тариалалтад онцгой анхаарах.

-  Импортоор оруулж ирдэг цагаан будаа, элсэн чихэр, ургамлын тосны гаалийн татварын таван хувийг энэ он дуустал тэглэхээр шийдвэрлэлээ.

-   Дотоодын ургамлын тосны үйлдвэрлэгчдийг НӨАТ-с чөлөөлөх

-  Дотоодын хүнсний үйлдвэрлэгчдэд хүүгийн татаасыг олгох, Үүнд: хүнсний ногоо, тосны ургамал, хүнсний зоорь зэрэг хүнсний үйлдвэрлэл эрхэлж байгаа ААН-үүд, иргэдэд арилжааны банкууд зээл олгох, үүний хүүгийн татаасыг төрөөс тэглэх шийдвэр гаргалаа" гэв. 

-   ТӨХК-иудын удирдлагын бүтцэд дэд захирал болон шаардлагагүй албан тушаалуудыг танана,

-   39 ААН-ийг олон  нийтийн хяналтад оруулж, IPO гарган, арван ААН-ийг татан буулгаж, арвыг нэгтгэнэ.

-   Хот, суурин газарт том оврын автомашин хэрэглэхийг хуулиар хязгаарлана. Зөвхөн Засгийн газрын автобаазыг төрийн байгууллагын автобааз болгож, хөдөө явах автомашиныг дуудлагаар унана. Цаашид төрийн байгууллага такси үйлчилгээ авах, ААН-үүдтэй хамтрах, төр машинаас татгалзана

-   Хэмнэлтийн горимд шилжсэнээр төсвийн тодотголд 10-15 хувийг хэмнэнэ

-  Цэцэрлэгийн хүрэлцээ бага байгаа газар хувийн хэвшлийн ААН-үүдтэй хамтарч ажиллаж, төрөөс төлөх хувьсах зардлыг хоёр дахин нэмнэ

-  Одоо НДШ маш хүнд байдалтай байгаа. Иймд НДШ –тэй холбоотой багц асуудлыг УИХ-аар оруулж үе шаттай шийдвэрлэнэ.

-  Энэ он дуустал төсөвт байгууллага, уул уурхай, газрын тосны үйл ажиллагаа эрхэлдэг ААН-ээс бусад ААН-үүдийн НДШ-ийн 50 хувийг төрөөс буцаан олгоно.