УИХ-ын гишүүн Б.Бат-Эрдэнэ УИХ-ын дөрвөн гишүүнийг түтгэлзүүлэх талаар байр сууриа илэрхийллээ. Тэрбээр "Миний хувьд хэвлэлийн мэдээлэлтэй байна. Улсын ерөнхий прокурор УИХ-ын гишүүнийг түдгэлзүүлэх тухай асуудлыг оруулж ирдэг. Оруулж ирсэн асуудлыг Халдашгүй байдлын дэд хороо, хуулийн хороо, Төрийн байгуулалтын байнгын хороо хэлэлцэж, УИХ-аар оруулдаг. Үүний дагуу Халдашгүй байдлын дэд хороо хурал зарлах байх гэж бодож байна. Нууцын зэрэглэлтэй материал, ирсэн бичгийг ч би үзээгүй. Тиймээс одоогоор тодорхой хэлэх зүйл алга. УИХ-д таван удаа сонгогдсон гишүүний хувьд аливаа хэрэг, асуудалд холбогдсон бол түдгэлзэж байгаад, үнэн мөнийг тогтоогоод явах хэрэгтэй гэсэн байр суурьтай байна” гэв.

Д.Батчулуун