УИХ-ын гишүүн асан Ж.Батзандан ажлаа өгөх хүсэлтээ өглөө. Тэрбээр "Миний бие цаашид Австрали, Шинэ Зеландийн либерал ардчилалын сайн загваруудыг Монгол Улсад нэвтрүүлэхийн төлөө өөрийн мэдлэг чадвараа дайчлан ажиллах болно. Мөн чөлөөт цагаараа нөхдийн хамт Авсрали, Шинэ зеланд, Норвеги, Сингапур, Люксембург гэх зэрэг улсуудын хөгжлийн загварыг судалж Монгол эх орноо аврах 18 их хувьсгал буюу Шинэ хувьсгал номоо бичиж дуусгалаа. Австралид байсан нэг жилийн хугацаа үр дүнтэй байлаа.  Монгол Улсын одоогийн нөхцал байдал хүндхэн байгааг би ойлгож байгаа. Гэсэн хэдий ч амьдрал үргэлжлэх ёстой. Иймд эхэлсэн тэмцэлээ үргэлжлүүлэхээр МАНАН дэглэмийн тэмцэлээ эцэст нь хүргэхээр шийдвэрээ дээрх орнуудын жишгээр хөгжлийн шинэ бодлого хэрэгжүүлэхээр Монголдоо эргэн ирлээ" гэв.  

Мөн энэ хугацаанд ЭСЯ-тай хамтран олон чухал асуудлыг шийдвэрлэхэд оролцлоо. Үүнд:

-Австралид бүртгэлтэй РиоТинто компанийн Дубайн гэрээтэй холбоотой маргаан шийдвэрлэгдэж, МУ 2.3 тэрбум ам.долларын өрнөөс чөлөөлөгдөв

-Олон жил яригдсан Монгол залууст зориулагдсан Австралид ажиллангаа амрах виз шийдэгдлээ

-Ковидын хүндрэлтэй хөл хорионы цаг үед Австралид амьдарч буй олон мянган иргэддээ туслах зорилгоор анх удаа МИАТ компанитай хамтарсан нислэг зохион байгуулж иргэдээ эх оронд нь авчирлаа

-Монгол, Австрали улс хооронд дипломат харилцаа тогтоосны 50 жилийн ойг тохиолдуулан Австралийн тангарагтны шүүх, Австралийн парламентын ардчилал...зэрэг нийт 25 баримт бичиг дээр судалгаа хийж холбогдох байгууллагуудад хүргүүллээ...

Нэг жилийн хугацаанд Монголыг шинэчлэх 18 хувьсгал номоо нөхдийн хамт бичиж, хэвлүүллээ...

Ж.Батзандан ном бичдэг, төрийг аврах төлөвлөгөө гаргадаг, тэр төлөвлөгөөгөө нөхөдтэйгөө хамт хэрэгжүүлдэг хүн, одоо ажилдаа орно гэв.

Т.Мөнхжаргал