УИХ-ын чуулганы хуралдаан үргэлжилж байна. Хуралдааны үеэр УИХ-ын гишүүн С.Бямбацогт асуулт асууж, үг хэллээ. Тэрбээр "Зөвшөөрлийн хуулийг 2019 оны гуравдугаар сард 22 гишүүн УИХ-д өргөн барьсан байдаг. Өргөн бариад, хэлэлцэх эсэх нь шийдэгдээд дөрвөн жилийн хугацаа өнгөрч байна. ААН, ард иргэдийн хүсэн хүлээж буй хууль дөрвөн жил батлагдсангүй. Удаад байна. Тиймээс зөвшөөрлийн хуульд УИХ зөвшөөрөл олгож өгөөч.

Монгол хүний амь нас, эрүүл мэндтэй холбоотой асуудал, үндэсний аюулгүй байдалтай холбоотой асуудал, байгалийг баялгийг ашиглахтай холбоотой асуудал гэсэн үндсэн хэдэн асуудал дээр тусгай  зөвшөөрөл өгдөг байя.  Үүнээс бусад нь бизнес  арл иргэд, ААН чөлөөтэй эрхэлдэг байя гэж энэ хуулийг өргөн барьсан. 2001 онд зөвшөөрлийн тухай хууль батлагдсан байдаг. Энэ үед төрөөс 200 Орчим тусгай зөвшөөрөл өгдөг байсан. Харин 2019 онд хуулийн төслийг барих гээд судалгаа хийж байх үед тусгай зөвшөөрлийн тоо 1400 болчихсон байсан. Энэ жилийн судалгаагаар зөвшөөрлийн тоо 1600 болсон байна. Зөвшөөрөл төрөөс хүнд суртал, гарын үсэг өгөхийн тулд юм уу.

Найман нэрийн барааны дэлгүүр ажлуулахын тулд найман төрлийн гарын үсэг авдаг болсон. Зөвшөөрөл, гарын үсэг болгоны цаана хүнд суртал, шан харамж, авилгал явдаг. Үүнийг цэгцлэе гэж байгаа юм. Энэ зөвшөөрлийн тоог 400 болгож цөөлье” гэв.

Д.Батчулуун