НББХ-ны хуралдаанаар Донорын тухай хуулийн нэмэлт өөрчлөлтийг хэлэлцэж байна. Энэ үеэр УИХ-ын гишүүн Д.Сарангэрэл үг хэллээ. Тэрбээр “2018 онд Донорын тухай шинэчилсэн найруулга батлагдсан юм. Манай гишүүд мэдэхгүй зүйлдээ их оролцдог. Зарим үед хэтэрхий их мэдэмхийрдэг. Хуулийн төсөлд тэр үед МУ-ын 21 нас хүрсэн иргэн донор болохыг зөвшөөрсөн төсөл явсан. Гэтэл хоёрхон гишүүн 21 настай хүүхэд юугаа мэдэх вэ гэж хэлээд эсэргүүцсэн. Тухайн үед гишүүд тэр хоёр гишүүнийг дагаж шуураад олон улсын судалгаа, танилцуулгыг судлаагүй, мэргэжилтнүүдээ сонсоогүй. Ингээд 25 нас болгосон. Үүний жишээ болох тэр дөрвөн хүүхэд өнчирснийг сонсоход харамсалтай байна. Тиймээс бид мэдэхгүй, судлаагүй зүйлдээ түрүүлж дуугарах шаардлага байхгүй. Хүний амины үнэтэй зүйл яригдаж байна шүү дээ. Цаашдаа ийм асуудалд ухамсартай, судалгаатай хандах хэрэгтэй гэдгийг хатуухан хэлье” гэв.

Д.Батчулуун