Зүүн дөрвөн замын зүүн талын аюулгүйн тойргийн буцаж эргэдэг уулзвараас  кино үйлдвэрийн урд талын буцаж эргэх уулзвар хүртэлх 0.58 км авто замын урд талын урсгалыг өнгөрсөн баасан гарагаас эхлэн хаасан.  Уг замыг энэ сарын 11-ний 07.00 цаг хүртэл хааж, борооны ус зайлуулах шугам, цахилгаан ба холбооны сэтэлгээ, хоёр үе асфальтбетон хучилтын ажил гүйцэтгэх юм. Мөн Хасбаатарын гудамжинд Эх нялхсын уулзвараас Өргөө кино театрын хойд уулзвар хүртэлх авто замын хөдөлгөөнийг энэ сарын 10-ныг хүртэл хязгаарлан өргөтгөл, шинэчлэлтийн ажил хийж байгаа. Түүнчлэн Дамбадаржаагийн замын цагдаагийн постоос Сэлбийн гүүр хүртэлх 450 метр замын хөдөлгөөнийг өнөөдөр 22:00 цаг хүртэл хязгаарлан уг замд далангийн дүүргэлт хийж байгаа. Энэ мэт олон зам засварын ажлаас шалтгаалан ойрын өдрүүдэд Зүүн дөрвөн замаас Офицерийн ордон хүртэлх, Сансрын тунель, Сансрын шатахуун түгээх станцаас Зуун айл хүртэлх, Цайзын зах хүртэлх замууд ачаалал ихтэй байна.