УИХ-ын чуулганы нэгдсэн хуралдаан эхэллээ. Хуралдааны эхэнд УИХ-ын гишүүн С.Бямбацогт үг хэллээ. Тэрбээр  "Улсын Их Хурлаас батлан гаргаж байгаа хууль, бусад шийдвэрүүд амьдралд нийцтэй, ард иргэддээ өгөөжтэй, чанартай гардаг баймаар байгаа юм. УИХ-ын баталж буй хуулиуд нь халтуурдсан, үр өгөөжгүй, чанаргүй, амьдралд нийцээгүй хууль гаргадаг. Хэрэгждэггүй. Үүнд ард түмэн бухимддаг. Үүнээс болоод УИХ-ын нэр хүнд унадаг. Ийм л болчхоод байгаа юм. Уг нь бид баталж буй хуулиудаа яаж чанартай болгох уу, нийцүүлэх үү гэдэг дээр анхаарах хэрэгтэй байна. Үүний төлөө бид тангараг өргөөд ажиллаж байгаа. МУ-ын жилийн хөгжлийн төлөвлөгөө бол маш чухал бодлогын баримт бичиг. Бодлогын баримт бичгээ Засгийн газар оруулж ирдэг. Дутуу байх юм бол УИХ сайжруулдаг байх ёстой. Өөрөөр хэлбэл, төрийн бодлого боловсруулж байгаа юм. Төрийн бодлогоо зөв тодорхойлоод, хэрэгжүүлээд, түүнээс зөв үр дүн гардаг байх хэрэгтэй. Энэ тал дээр хуумгай хандаж байна. Шалтгааныг нь судлаад үзэхээр Байнгын хорооны дарга, эдийн засгийн хөгжлийн сайд ажлын хэсэг байгуулъя, сайжруулахад анхааръя гэсэн байна лээ. Харин тамгын газрынхан ажлын хэсэг байгуулахгүй явъя гэсэн юм билээ. УИХ-ын тамгын газар ингэж хандаж болохгүй. Яах гэж ажил хийж байгаа юм. УИХ-ын гишүүд бүгдийг харахгүй байж болно. Харин түүнийг яаж сайжруулах вэ гэдэг дээр ажлын хэсэг байгуулахгүй ч анхаараад ажиллаж болно. Чанаргүй дутуу, түүхий хууль нь гарвал гарч л байг гэсэн байдлаар хандаж болохгүй. Гишүүдээсээ өндөр цалин авч байгаа шүү, тамгын газрын ажилтнууд аа. Жаахан сэтгэлтэй, хариуцлагатай хандмаар байна” гэв.

Д.Батчулуун