УИХ-ын чуулганы нэгдсэн хуралдаан эхэллээ. Хуралдааны эхэнд УИХ-ын гишүүн О.Цогтгэрэл үг хэллээ. Тэрбээр "УИХ-ын нэр бүхий есөн гишүүнээс УИХ-ын тухай хуулийн нэмэлт өөрчлөлтийг өргөн барьсан. Энэ хуулийн үзэл санаа нь УИХ дахь бүлгийн үйл ажиллагааг хэвийн явуулахад шаардлагатай эрх зүйн зохицуулалтыг тодорхой явуулах зорилготой.

АН-ын бүлэг сүүлийн зургаан сар гацааны байдалтай байна. УИХ-ын даргад УИХ-ын хууль болоод АН-ын бүлгийн дүрмийн хүрээнд саналаа өгөхөд УИХ-ын дарга тодорхой зохицуулалт байхгүй байгааг хэлсэн. Энэ хүрээнд цөөн зүйл заалттай хуулийн төслийг өргөн мэдүүлж байгаа. Үзэл санаа нь Монгол парламентын засаглалтай орон. Парламент гэдэг олонхийн шийдвэрийг дагаж, цөөнхөө хүндэтгээд явдаг. Иймд даргын дэргэдэх зөвлөлөөр ирэх долоо хоногт энэ асуудлыг оруулж өгөхийг, энд байгаа МАН-ын гишүүдээс парламентын үйл ажиллагааг явуулах, олонхийг дагаад явах шийдлийг дэмжиж өгөхийг хүсч байна" гэв.

Д.Батчулуун