УИХ-ын чуулганы нэгдсэн хуралдаан эхэллээ. Хуралдаанаар Монгол Улсын нэгдсэн төсвийн 2023 оны төсвийн хүрээний мэдэгдэл, 2024-2025 оны төсвийн төсөөллийн тухай хуулийн төсөл болон хамт өргөн мэдүүлсэн "Засгийн газрын өрийн удирдлагын 2023-2025 оны стратегийн баримт бичиг батлах тухай" Улсын Их Хурлын тогтоолын төслийг хэлэлцэж байна.

Энэ үеэр УИХ-ын гишүүн Ц.Цэрэнпунцаг үг хэлж, асуулт асуулаа. Тэрбээр "Тойрогтоо ажиллаад ирлээ. Ард түмэн юмны үнэ өсөөд байна гэнэ. Юмны үнэ өсөөд байгааг ойлгож байна. Нийлүүлэлтийн сүлжээний доголдол, логистик тээвэр дээр хүндрэл бий, хил гааль, боомт хаалттай байгаа.

Үнийн өсөлтөөс үүнээс өөр орц байгаа. Хувийн салбарынхан цалингаа нэмэхгүй бол ажил хийх хүн олдохоо больсон. Зүгээр нэг 10, 50 хувь нэмэх биш, нуга нуга нэмэхгүй бол ажил хийх хүн олдохгүй байна. Энэ асуудлыг яаж шийдэх юм бэ. Хувийн салбарынхан ажлаа зогсоолтой нь биш” гэв.  

Д.Батчулуун