Оюутолгойн гэрээтэй холбоотой асуудлаар УИХ-ын гишүүн С.Ганбаатар УИХ-ын гишүүн С.Баярцогтыг халз мэтгэлцээнд дуудсан. Гэсэн ч С.Баярцогт гишүүний хүсэлтээр энэ мэтгэлцээн хойшлоод байгаа юм. Энэ талаар УИХ-ын гишүүн С.Ганбаатар сэтгүүлчдэд мэдээлэл өгөхдөө дараах хүсэлтийг тавьж байгаагаа мэдэгдлээ.
   
1. Засгийн газар Оюутолгойн гэрээнд өөрчлөлт оруулах асуудлаар ажиллаж байгаа гэсэн тул би мэтгэлцээнийг хойшлуулах хүсэлтийг хүлээж авлаа. Харин гэрээг өөрчлөхдөө Монгол улстай биш, ганцхан Өмнөговь аймагтай гэрээ байгуулахаар зэхэж байгаа нь санаа зовоож байна.
2. Гэрээг өөрчлөхийн тулд дотоодын эрдэмтдийн баг гаргах шаардлагатай. Шударга уул уурхайн төлөөх түр хороог нэн даруй байгуулах болно
3. Оюутолгой компани тус ордын 74 хувийг монголчууд авна гэсэн сурталчилгаа явуулж байна. Энэ төөрөгдүүлсэн сурталчилгааны учрыг олох хэрэгтэй байна.
4. С.Баярцогт гишүүнтэй хийх мэтгэлцээнийг МҮОНРТ-ээр шууд дамжуулж, олон нийтэд нээлттэй байх хүсэлтэй байна гэв.