Ёс зүй, сахилга хариуцлагын байнгын хорооны дарга Б.Бат-Эрдэнэ цаг үеийн асуудлаар мэдээлэл хийлээ. Энэ үеэр УИХ-ын хаврын чуулганы гурав, дөрөвдүгээр сарын хуралдаанд гишүүдийн оролцсон ирцийг танилцуулав.

Гуравдугаар сард чуулган долоон удаа хуралдсан. УИХ-ын 18 гишүүн УИХ-ын чуулганы хуралдааныг тасласан. Найман гишүүн хуралдаанаас хоцорсон. Огт таслаагүй 62 гишүүн байна. Дөрөвдүгээр сард УИХ-ын чуулган 12 удаа хуралдсан. 20 гишүүн хуралдаан тасласан. 57 гишүүн хуралдаанаас хоцорсон. 56 гишүүн чуулган огт таслаагүй байна. 

Хамгийн олон  цаг буюу 13-15 цаг чуулганы хуралдаанаас хоцорч, тасалсан хэд хэдэн гишүүнийг УИХ-ын Ёс зүй, сахилга хариуцлагын байнгын хороогоор хэлэлцэж, хариуцлагын асуудал ярина гэж тус хорооны дарга Б.Бат-Эрдэнэ мэдэгдэв. Ингэхдээ тэдэнд анхааруулга өгөх, эсхүл олон нийтээс уучлал гуйлгах арга хэмжээ авна гэв.

А.Сүх