Өнөөдрийн байдлаар дэлхийн нийт тэрбумтнуудын эзэмшиж буй хөрөнгө 6.19 их наядаар хэмжигдэж байгаа юм. Ингээд зогссонгүй тэрбумтны тоо ч хоёр мянга 160 болтлоо өссөн аж.

Баячуулын жагсаалтанд сүүлчийн байрыг Канад 40 тэрбумтантайгаар эзэлж тэдний нийт хөрөнгө 105 тэрбум ам.доллартай тэнцдэг юм байна.

Есдүгээрт Бразили бичигдсэн бөгөөд тэнд 49 тэрбумтан амьдарч 300 тэрбум ам.долларын хөрөнгө эзэмшдэг гэнэ.

 Харин наймдугаарт Швейцар оржээ. Банкны эх орон гэгдэх тус улсад 57 тэрбумтан 125 тэрбум ам.долларын хөрөнгөтэй юм байна.

Долоод Хонконг 64 тэрбумтантай, 190 тэрбум ам.долларын хөрөнгөтэй гэдгээр бичигдлээ.

Зургаад ОХУ орсон аж. Тус улс 97 тэрбутантай бөгөөд нийт 380 тэрбумын хөрөнгийг эзэмшдэг.

Энэтхэгт 109 тэрбумтан байдаг хэдий ч тэдний эзэмшилд “ердөө” 190 тэрбум ам.доллар байдаг бололтой.

Дөрөвт Герман орохдоо 137 тэрбумтантай гэж бүргэгдсэн бөгөөд тэд 550 тэрбум ам.долларын эзэд юм байна.

Хүрэл медалийн эзнээр Их Британи тодорчээ. Нэгдсэн вант улсад 140 тэрбумтан амьдардаг. Тэдний эзэмшилд 430 тэрбум ам.доллар байдаг гэнэ. Тус улсын баячуул нь хүн амын 1.3 хувьтай тэнцдэг аж.

Тэгвэл мөнгөн медалийг Хятад улс хүртсэн бөгөөд 147 тэрбумтан 380 тэрбум ам.долларыг эзэмшилдээ оруулжээ.

Харин тэргүүлэх байранд АНУ орсон бөгөөд 480 тэрбумтантай аж. Тэдний нийт хөрөнгө 2.05 их наяд ам.доллар гэнэ.