Гэр бүлийн тухай хуульд нэмэлт өөрчлөлт оруулах талаар УИХ-ын эмэгтэй гишүүд мэдээлэл хийлээ. Энэ үеэр УИХ-ын гишүүн С.Одонтуяа үг хэлж, мэдээлэл өглөө.

Тэрбээр "Манай улс шиг гэр бүл салахад бүх ачааг ээжид нь үүрүүлдэг улс орон байхгүй юм билээ. Бүх орнууд маш нарийн хуульчилсан байдаг. Гэр бүл салахад тэтгэлэг нь тэдэн хувь байна, тэтгэлгийг цагт нь төлүүлэх зэргийг хуулинд маш нарийн зохицуулсан байдаг. Өнөөдөр манай улсад хуулийн цоорхойг ашиглаж 80 гаруй хувь нь тэтгэмжээ авч чадахгүй байгаа. Энэ бол маш ноцтой асуудал шүү.

Монгол улсын хэмжээнд 80 гаруй мянган өрх толгойлсон ээж байна.  Бид энэ хуулийг чангатгаснаар хүүхдийн эрхийг хамгаалах, тэтгэлгийг нь өгүүлэх, цаашлаад гэр бүл хариуцлагатай байх гэсэн тогтолцоог бий болгож байгаа юм. Хүмүүс гэрлэхээсээ өмнө хариуцлагаа ухамсарлах ёстой. Ингэснээр гэр бүл салалт багасна. Энэ хууль цаашлаад гэр бүл салалтыг багасгахад тэмцсэн хууль юм" гэв. 

Д.Батчулуун