Засгийн газрын хуралдааны шийдвэрийг танилцуулж байна. Энэ үеэр Уул уурхай, хүнд үйлдвэрийн сайд Г.Ёндон мэдээлэл өглөө. Тэрбээр "Өнгөрсөн долоо хоногийн дөрөв дэх, тав дах өдрүүдэд Ерөнхий сайд болон кабинетын есөн сайдын хамтаар Өмнөговь аймагт томилолтоор ажилласан.

Энэ үед Оюутолгойн 50 сая төгрөгийн хөрөнгө оруулалттай Ханбогд сумын хөгжлийн төлөвлөгөөг танилцуулж баталсан. Ханбогд сум орчин үеийн бүх асуудлыг шийдсэн хот болох ажил эхэлж байна. Мөн Таван толгой Гашуун Сухайтын боомт дээр шилжүүлэн ачих терминалын бүтээн байгуулалтын ажилтай танилцсан. Холболтын төмөр замын бүтээн байгуулалт дуусахаас өмнө Таван толгой гашуун Сухайт төмөр замын бүтээн байгуулалтын ажил долоодугаар сард ашиглалтад орно. Шинэ сэргэлтийн бодлогын хүрээнд боомтын сэргэлттэй уялдаад явж буй нэг асуудал бол аж үйлдвэржилтийн сэргэлт.

Энэ хүрээнд БНХАУ-ын нүүрсний хэрэглээг бууруулна гэсэн бодлоготой уялдуулан Таван толгойн олборлолтыг нэмэгдүүлэх асуудал боомтын сэргэлттэй уялдаж явж байгаа.Таван толгойн боомтоор 80 сая хүрэх боломжтой байгаа юм. Таван толгойн боомт дээр гурван ил уурхайн хэсэг, нэг далд уурхайн хэсэг гэсэн нийтдээ дөрвөн хэсгийг эдийн засгийн эргэлтэд оруулах ажил бодлогоор явагдаж байгаа. Энэ асуудлыг ирэх долоо хоногт Засгийн газрын хуралдаанаар оруулж, танилцуулна" гэв. 

Д.Батчулуун