“Төрийн болон орон нутгийн өмчит хуулийн этгээдийг шинээр байгуулахыг түр хориглох, тэдгээрийн үр ашиг, менежментийг сайжруулах тухай” УИХ-ын тогтоолын төслийн талаар хууль санаачилсан УИХ-ын гишүүд мэдээлэл хийлээ.

УИХ-ын гишүүн М.Оюунчимэг: УИХ саяхан” Төрийн хэмнэлтийн тухай хууль”-ийг баталсан. Үүний өмнө УИХ-ын гишүүн Д.Цогтбаатараар ахлуулсан гишүүдийн санаачилсан хуульд хувийн хэвшлийн амжилттай сайн гүйцэтгэж байгаа үйл ажиллагааг заавал төр өөр дээрээ аваад байх шаардлагагүй юм байна гээд төрийн зарим чиг үүргийг хувийн хэвшилд нээлттэй болгосон. Тэгвэл өнөөдөр Төр хувийн хэвшлийн тухай анхдагч хуулийг хэлэлцэх эсэхийг ярьж эхэлж байна. Энэ хууль өөрөө хувийн хэвшлийг дэмжиж, төр түншлэлийн хүрээнд улс орны хөгжлийн гол бодлогуудыг хамтдаа авч явах ёстой. Монгол улс хувийн хэвшлээ дэмжиж байж хөгжинө гэсэн байр суурийг барьж байгаа. Тиймээс хувийн хэвшилд түншлэж төр өөрөө дэд бүтэц юмуу томоохон туслалцаа үзүүлэх, үйл ажиллагаа бүтээн байгуулалтыг хувийн хэвшил өөрсдөө хийх тухай энэ хуулинд орж ирж байгаа” гэв.