ОХУ-ын улсын Якутск хотод ЗХУ-ын гавьяат дасгалжуулагч Д.П.Коркиний нэрэмжит тав дахь удаагийн чөлөөт бөхийн “Гран при” олон улсын тэмцээн амжилттай болж өндөрлөлөө.

Тэмцээний эхний өдөр манай тамирчин Б.Номин 55 кг-ын жинд мөнгөн медалийн эзэн боллоо. Тэрээр нэгдүгээр тойрогт Якутын бөх П.Ясамыг 6:0, 3:1, хоёрдугаар тойрогт АНУ-ын бөх Ререлли Франкийг 1:0, 1:0, гуравдугаар тойрогт Якутын бөх Ф.Владимирийг 3:1, 3:1 ялсан юм. Мөнгөн медалийн төлөө дөрөвдүгээр тойрогт эзэн орны бөх Корякин Александрыг 3:1, 1:0 онооны харьцаагаар ялж медалийн болзол хангав. Ингээд алтан медалийн төлөө барилдаанд Беларусын бөх В.Андреевт 0:3, 0:2 онооны харьцаагаар дийлджээ.

ОХУ-ын улсын Якутск хотод ЗХУ-ын гавьяат дасгалжуулагч Д.П.Коркиний нэрэмжит тав дахь удаагийн чөлөөт бөхийн “Гран при” олон улсын тэмцээн амжилттай болж өндөрлөлөө.

Тэмцээний эхний өдөр манай тамирчин Б.Номин 55 кг-ын жинд мөнгөн медалийн эзэн боллоо. Тэрээр нэгдүгээр тойрогт Якутын бөх П.Ясамыг 6:0, 3:1, хоёрдугаар тойрогт АНУ-ын бөх Ререлли Франкийг 1:0, 1:0, гуравдугаар тойрогт Якутын бөх Ф.Владимирийг 3:1, 3:1 ялсан юм. Мөнгөн медалийн төлөө дөрөвдүгээр тойрогт эзэн орны бөх Корякин Александрыг 3:1, 1:0 онооны харьцаагаар ялж медалийн болзол хангав. Ингээд алтан медалийн төлөө барилдаанд Беларусын бөх В.Андреевт 0:3, 0:2 онооны харьцаагаар дийлджээ.

Тэмцээний сүүлчийн өдөр 60кг, 74кг, 96кг-ын жингийн барилдаанууд болж 74 кг-ын жинд өрсөлдсөн олон улсын хэмжээний мастер П.Өнөрбат хүрэл медаль хүртэв. Манай бөх П.Өнөрбат нэгдүгээр тойрогт Якутын бөх Александ Софроновыг 2:0, 1:0 оноогоор ялж , хоёрдугаар тойрогт Дагестаны бөх Гажи Абдуразаковыг 1:0, 1:0 оноогоор буулган авлаа.

Удаахь тойрогт Гүржийн бөх Георгий Марсагишвилийг 0:1, 1:0, 3:0 оноогоор дараалан ялсан юм. Харин мөнгөн медалийн төлөөх барилдаанд Хойд Осетийн бөх Зураб Наниевт 1:3, 0:1 онооны харьцаагаар ялагдаж дагах барилдаанд Туркийн бөх Сердал Каталыг 4:1, 2:0 онооны харьцаагаар ялж хүрэл медаль авчээ.