Монгол Улсын Ерөнхийлөгчийн ивээл дор зохион байгуулах хүнс үйлдвэрлэгчдийн үзсэгэлэн худалдаа болж байна. Энэ үеэр ХХААХҮ-ийн сайд З.Мэандсайхан яриа өглөө. Тэрбээр "Аль улсын иргэн Монгол улсад үйл ажиллагаа явуулах нь чухал биш. Харин Монгол улсад үйл ажиллагаа явуулж байгаа, хөрөнгө оруулаад үйл ажиллагаа явуулж байгаа ААН-үүд Монгол улсын хууль дүрэм, стандартыг баримталж ажиллана. Холбогдох байгууллагууд хяналт тавьж ажиллана.Шинжилгээ хийх Мэргэжлийн хяналтын ерөнхий газрын лаборатори, Мал эмнэлгийн ерөнхий газрын лаборатори, хувийн хэвшлийн хоёр лаборатори байна. Цаашид эдгээр лабораторийн хүчин чадлыг сайжруулах, лабораторийн шинжилгээг эргэлзээгүй болгох чиглэлд анхаарч ажиллана.

Монгол улсын ерөнхийлөгчийн дэвшүүлсэн таван жилийн хөтөлбөр бол  19 нэр төрлийн бүтээгдэхүүнээр дотоодын хэрэгцээг үе шаттай хангах хөтөлбөр юм. Энэ хүрээнд шат дараатай арга хэмжээнүүдийг авч хэрэгжүүлнэ. Мөн хүнсний салбарын эрх зүйн орчныг тодорхой болгоно. Лаборатори, эрдэм шинжилгээний хүрээлэнгүүдийн асуудлуудыг шийдвэрлэнэ. Хүнсний үйлдвэр болон газар тариалан МАА-н гаралтай бүтээгдэхүүнүүдийн гарал үүсэл, үүнийг баталгаажуулах цахим системийг хэрхэн бүрдүүлэх вэ гэдэг дээр анхаарч ажиллана. Энэ таван жилд цахим шилжилтийг бүрэн хийж дуусгана. Лаборатори байгуулахад хөрөнгө мөнгөний асуудал байна.  Гэхдээ маш ойрын хугацаанд энэхүү хөтөлбөрийн хүрээнд хийж хэрэгжүүлнэ. Ирэх таван жил энэхүү зорилтоо хүрэхэд 570 орчим сая доллар буюу 1,7 их наяд төгрөг хэрэгтэй байгаа.  Энэ жил Засгийн газраас хоёр жилийн хугацаатай 930 тэрбум төгрөгийн хөнгөлөлтийн эх үүсвэр гаргаад ажиллаж байна. Цаашид бид гаднын зээл тусламж болон хөнгөлөлтийн зээлийн хүрээнд санхүүгийн асуудлаа шийдээд явна" гэв. 

Д.Батчулуун